Gəlyaɗe 135 - Bible en Guidar

Nəsənka, Yawe metiŋgini

¹ Məɗi ki Yawe məɗi ki iya na Yawe. Məɗi kini, gewleɗ na Yawe,

² mənokum məs kəziweŋ addəv gəla na Yawe, a daŋgleɗe na gəla na Maŋgəlva namə.

³ Məɗi ki Yawe, vi Yawe moggoni yi! Məlvan iya nani, kassa aŋgəl ɗiy ɓa!

⁴ Vi Yakob Yawe awel ka nani, aɗɗak Israyel ka nani.

⁵ Vi naw nəsənək na: Yawe metiŋgini yi; Daya nam adayək kiyit meŋgilveɗ pakə.

⁶ An Yawe aŋgəl pak aɗɗaka, a disiŋ gəm aka dəlvafuŋ, addəvit peheɗi gəm ammbet peheɗi.

⁷ Tay əsilgən slaybuwən sə metteɓ ma dəlvafuŋ, də iwiɗ na buwən vi dəzigəni; tay əgilgən səmyã səddəv bətəŋ nani.

⁸ Ndəni dəbey magaziɗe net mə Eziptəɗe, təŋ səza ɗəfa, gap azet zəgeɗ memeyẽɗi.

⁹ Aslən zəgeɗ nawsənən azan dit teteleɗe akoko Eziptə aka Farawən dit gewleɗ nan pakgiti.

¹⁰ Ndəni dəbey ɗiy-ɗar məza aŋɗaŋ ɓa, gəm abey milyeŋge gbogboŋɗe:

¹¹ Sihon məlĩ net mə Amorɗe, Og məlĩ na Basan, dit milyeŋge na Kana'an pakə.

¹² Yaŋ apsit dələv net ka nawray va, ka nawray va Israyel, ɗiy nani.

¹³ Yawe, kawpeli iya nok ɗayɗayə. Kawnəhĩ wən nok aka sayit ɗiy pakə, Yawe.

¹⁴ Vi Yawe watawwən net ɗiy nani, wawla sasahĩt gewleɗ nani.

¹⁵ Zəgeɗkameŋgilveɗ net ɗiy-ɗar na, na təbəz babarəŋgə gəm na meleŋge, məɗɗet də va ɗəfa.

¹⁶ Met tay, awpeleŋ ɓa; heret tay, awlaŋ ɓa;

¹⁷ sləmet tay, aprəmaŋ ɓa; əmpəs siɗikke dayday tay a baret ɓa!

¹⁸ Məs dəvotnin dəssoŋ va ndəɗaŋ, dit en dəppanən zit ammbet pakə!

¹⁹ Mə Israyelɗe, məfet aka Yawe. Zev Aron, məfet aka Yawe.

²⁰ Zev Levi, məfet aka Yawe. Məgeslne'eŋ sənən Yawe, məfet aka Yawe.

²¹ Soko sən Yawe hã sə Siyon, ndən məs dəsan a Yerusalem! Məɗi ki Yawe!