Gəlyaɗe 125 - Bible en Guidar

Məs dəppanən əɗɗum net aka Yawe

1 Gəlya nawpeŋ ədda əkkam a Yerusalem.

¹ Gəlya nawpeŋ ədda əkkam a Yerusalem. Məs dəppanən əɗɗum net aka Yawe tahəŋ va mossorgo metiŋ na Siyon: aɓla ɓa, tay hã faɗə.

² Mossorgoɗe atərwəslənək Yerusalem! Vaski Yawe atərwəsl kiyit ɗiy nani təŋ səza kakaŋka, hã faɗə.

³ Vi məlĩ məsdaraw adawzəm məlĩ aka dələv net ɗiy təstəs ɓa, vi ɗiy en təstəs adawtəlnən vet aza mbərayən ɓa.

⁴ Yawe, asok moggok azet ɗiy moggeti, azet ɗiy məs mekret barə.

⁵ Ya net ɗiy mədawaŋ slokorslokor na Yawe warɓehet sap dit məɗɗaŋ mbərayən! Zazay aka Israyel!