Gəlyaɗe 124 - Bible en Guidar

Va Yawe asan dəzam ɓa na kəta

1 Gəlya nawpeŋ ədda əkkam a Yerusalem, səza Davit.

¹ Gəlya nawpeŋ ədda əkkam a Yerusalem, səza Davit. Israyel dəmsak ənah na, va Yawe asan dəzam ɓa na!

² Va Yawe asan dəzam ɓa na, gala ɗiy asilyoŋ akamə,

³ aka herɗe net assoŋ akam vakvak na, kəta asɗəkmənək madaramə.

⁴ Kəta iŋkile aləkatmənka, məlpa apaɗamməka;

⁵ asna iŋkile mepitimpitim kawpaɗammən kəta.

⁶ Soko sən Yawe məs dəppam məsamgən, ka zəga nampər na sleyit ɓa!

⁷ Məkõhũk va bəŋga səka bizwer na məffəka; bizwer aɓohko, məkõhko.

⁸ Əbbah nam addəv iya na Yawe yi məs dəɗɗa disiŋɗe də dəlvafuŋ.