Gəlyaɗe 121 - Bible en Guidar

Naway nawɓap əsəksu di?

1 Gəlya nawpeŋ ədda əkkam a Yerusalem.

¹ Gəlya nawpeŋ ədda əkkam a Yerusalem. In tat əslan haraw kəlaket mossorgoɗe gugriɗe: Səŋga əbbah naw adazzan di?

² Əbbah naw səza Yawe dəɗɗa disiŋ də dəlvafuŋ adazzani.

³ Kəta adappan təluk əkker ɓa, kəta məzuguk adadigziŋ ɓa!

⁴ Sesel məzuga Israyel, awdigziŋ ɓa, awleŋ ɓa.

⁵ Yawe yi məzuga noko, Yawe yi zeŋgile noko. Tay aka va dəzəŋ noko.

⁶ Də kapaya, pay azluk na ɓa, dəfəɗa, təla ndarara zəga tay nawrəhuk ɓa.

⁷ Yawe waguk səza mbərayən pakə. Waga zeŋgiloko.

⁸ Yawe waga wəmbat noko gəm əzza noko, təŋ səza kakaŋ hã faɗə.