Gəlyaɗe 118 - Bible en GuidarƏnziya egge vi kawpel aka an Yawe agəɗə 1 Məgagdakan Yawe, vi moggoni, vi moggon nan tay hã faɗə. 2 Israyel dənah kan na: «Vi moggon nan tay hã faɗə!» 3 Gəla na Aron dənah kan na: «Vi moggon nan tay hã faɗə!» 4 Məgeslne'eŋ sənən Yawe, dənahaŋ kan na: «Vi moggon nan tay hã faɗə!» 5 Gala nəsaw addəv əzəmsãhã, nəyak Yawe: Yawe azlan suwək də əpəlwa. 6 Yawe nawi yi, tay məs nədawgeslne' sən ɓa, ɗiy miy adaɗɗaŋ suwən di? 7 Yawe nawi yi, tay əskə suwa, in tat əŋgreset məzuzelɗe nawa. 8 Ɗəɗah əɗam ara Yawe ki əppan əɗɗum nok aka ɗəfa! 9 Ɗəɗah əɗam ara Yawe ki əppan əɗɗum nok aket ɗiy gugriɗe! 10 Ɗiy na guw asərŋgəslwənka: ya də iya na Yawe nəzeti. 11 Asərŋgəslwənək sərŋgəslə: ya də iya na Yawe nəzeti. 12 Asərŋgəslwənək va amama; ya amtaŋgək va offo net gedirgeɗi, də iya na Yawe nəzeti. 13 Dəslaŋ aslaŋgaw vi kawbaywa, ya Yawe abbah suka. 14 «Yawe yi gbogboŋ naw də wəɓap nawa!» «Ndəni dəkõhguwa!» 15 Wəɗɗəla nannek də əska wəla addivit gizlirkeɗe net ɗiy təstəs adassoŋgu: «Va dəzəŋ na Yawe aɗɗa wəza gagdaka! 16 Va dəzəŋ na Yawe asilke! Va dəzəŋ na Yawe aɗɗa wəza gagdaka!» 17 Nəmtə na ɓa, wanəsaw madarawa, vi kawpel wən net wəzeɗe na Yawe: 18 Əzga' Yawe azga' suwa, dəppaw sən əmta ɓa. 19 Məkol su maddambeɗe məs ɗiy təstəs adawtoŋgoŋgu, nətoŋgən əɗi ki Yawe. 20 Aŋ maddamba na Yawe yi, dədaki ɗiy təstəs adawtoŋgoŋgu! 21 Wanəɗi kiyko vi kəzlansuka, kəkkpaŋ suwək əkõhõ. 22 Gərəm məs mərkaŋ gəla azgaŋgə akkpaŋgək gərəm kiwən naka bezler. 23 Səza Yawe as van ade: zəga na sekene yi ama haramə! 24 Aŋki pay məs Yawe agəɗə: Mənneksəmə, zəm dəsan waryakwaryak dəndəni! 25 Kamə Yawe, akõhgəmə! Kamə! Kamə Yawe apsəm əska wəla, kamə! 26 Gagdak aka ɗəf dədazzan də iya na Yawe! Hã səddəv gəla na Yawe mədawŋgəl sukum gagdaka. 27 Yawe Maŋgəlva yi, apsəmək əkeɗeɗe'e: Mətep slolɓoŋ dit kiyvet wəleŋɗe avokum, hã gap azet mohõŋɗe naka matuya. 28 Maŋgəlva naw kənani, wanəɗi kiyko, Maŋgəlva nawa, wanətibiroko. 29 Məgagdakan Yawe, vi moggoni vi moggon nan tay hã faɗə. |
All right reserved
Bible Society of Cameroon