Gəlyaɗe 116 - Bible en Guidar

Əkkam na ɗəf məmõhən səma əmta

¹ In tat əŋglu Yawe, vi tay əprəm wəlaw dəkkamani,

² ha'aw apakək sləman kəlazawa, pay ənziya naw egge pak wanəya.

³ Ngiyamɗe namta asəɓwənka, sakazlaŋɗe na təki net mimtit armuwənka; tatwãh də wəzəmsahã armuwənka,

⁴ Yawe nəyə də iya nani: «Kamə! Yawe apəlwa!»

⁵ Yawe məgəɗ moggoni, təstəsi; Maŋgəlva nam muwəl sasãhĩ.

⁶ Yawe tay əge məzurayɗe: məddaku nani, akõhguka.

⁷ Naw wanəmbat addəv əffet nawa, vi Yawe agəɗ suwək moggoni.

⁸ Ha'aw kəbitwək səma əmta, kəppay suwək sin sərawa, kəgak təlu səza əskoto,

⁹ vi nədawgən aba Yawe, aka dələv net ɗiy medereti.

¹⁰ Də nədawnəh na: «in tat əzəmsahã pak na, in tat kiyu foŋgo!»

¹¹ Gala maɗɗulaw azlzlaɓə, nəmna: «Ɗəf pak muwə wəni.»

¹² Miy nədawfaɗ sən Yawe aka moggon agəɗ su pakəŋ di?

¹³ Wanəslan medewere naska wəla wanəya Yawe də iya nani;

¹⁴ wanəɗɗa an maw aynə sən Yawe, ama heret ɗiy nan pakə.

¹⁵ Assan Yawe dawle ɗiy nan əmtaŋgə.

¹⁶ Kamə! Yawe vi gawla nok nani, gawla nok, wətət balamək noko. Kəpilik ngiyamɗe nawa.

¹⁷ Wanəzaɓ suk Maŋgəlva nawfete, gəm wanəya Yawe də sləmani;

¹⁸ wanəɗɗa an maw aynə sən Yawe, ama heret ɗiy nan pakə,

¹⁹ a daŋgla na gəla na Yawe, addakko, Yerusalem! Məɗi ki Yawe!