Gəlyaɗe 115 - Bible en Guidar

Gagdak ava Maŋgəlva yi kaka'ə

¹ Owwo azami ɓa Yawe, azami yi ɓa, agagdakan iya nok dərəŋgə, vi moggon nok də gegesiŋ noko.

² Vimi ɗiy-ɗar adawnahaŋ na: «Ŋgay Maŋgəlva net kandi di?»

³ Maŋgəlva nam a disiŋgi; an aŋgəl pak tay əɗɗani.

⁴ Zəgeɗkameŋgilveɗ net na təbəz babarəŋgə gəm na meleŋge, məɗɗet də va ɗəfa:

⁵ Met tay, awpeleŋ ɓa; heret tay, awlaŋ ɓa;

⁶ sləmet tay, aprəmaŋ ɓa; məŋkinit tay, offokoŋ ɓa;

⁷ vet tay, attəm zəga ɓa; tilit tay, awdawaŋ ɓa; əpel awgilyen səmet ɓa.

⁸ Məs dəvotnin dəssoŋ va ndəɗaŋ, dit en dəppanən zit ammbet pakə!

⁹ Israyel! Appan zuk aka Yawe. Ndəni məzəbbah nokum, baray nokum!

¹⁰ Gəla na Aron, məppan zukum aka Yawe. Ndəni məzəbbah nokum, baray nokum!

¹¹ Mənokum məgeslne'eŋ sənən Yawe! Məppan zukum aka Yawe. Ndəni məzəbbah nokum, baray nokum!

¹² Yawe tay əɗɗum akamə; wazaɓamə: wazaɓan gəla na Israyel, wazaɓan gəla na Aron,

¹³ wazeɓet məgeslne'eŋ sənən Yawe, ɗiy memeɗeŋɗe dit gugriɗe.

¹⁴ Kəta Yawe dənzlərgukum, mənokum dit kirtukum!

¹⁵ Yawe dəzaɓokum, ndən məs dəzəməɗ disiŋ də dəlvafuŋ.

¹⁶ Disiŋ, disiŋ na Yawe yi, dəlvafuŋ hara na, sit ɗiy apsiti.

¹⁷ Ɗiy mimtit dədawɗiynən ki Yawe ɓa, ndəɗaŋ məs dəɗupun heretiŋ ɓa.

¹⁸ Ya nam məɗi səm ki Yawe, təŋ kakaŋ hã faɗə. Məɗi ki Yawe!