Gəlyaɗe 113 - Bible en Guidar

Yawe tay əzeɓet wənɗe məs dərayaŋgə

¹ Məɗi ki Yawe. Gewleɗ na Yawe, məɗi kini, məɗi ki iya na Yawe.

² Məgagdakan iya na Yawe, təŋ kakaŋka hã faɗə!

³ Təŋ səmmba pay nampum hã gap na moskoyo, ɗiy pak dəgagdakanən iya na Yawe!

⁴ Yawe tay aket ɗiy pakə, gagdak nan tay aka disiŋ.

⁵ Naway va Yawe Maŋgəlva nam di? A disiŋ asan

⁶ aɓe'gənək kiyən kawla disiŋ də dəlvafuŋ.

⁷ Tay əsilgin ɗəf məddakən səka burɗuku, tay əkdah məssãhã səddəv dagərgiya,

⁸ kawɗiyən dit deyeɗe, dit deyeɗe net ɗiy nani.

⁹ Ndən əɗiyət ndarzlayək a mogulo, va met kirin zət neki. Məɗi ki Yawe!