Gəlyaɗe 111 - Bible en Guidar

Vi kaɗɗumet sekeneɗ na Daya

¹ Məɗi ki Daya. Wanəɗi ki Daya də makraw pakə a təki məɗama net meŋ net ɗiy təstəs gəm a təki əkkala.

² Wəzaɗe na Daya metiŋgitəŋgə! Məs dəŋgluwin pak waɗɗumoŋ aketi.

³ Wəza nan tay ərban əɓap nan də gagdak nani, təstəs nan wasan faɗə.

⁴ Aŋgələk ɗiy dəɗɗumetin sekeneɗ nani; Daya məgəɗ moggoni, muwəl sasãhĩ.

⁵ Apsitik əzəm sit məgeslne'eŋ sənəni, tay əɗɗumon wənmiyna nan pay pakə.

⁶ Arbanək gagdak net wəzeɗe nan sit ɗiy nani, kapsit dələv net ɗiy-ɗar ka neti.

⁷ Wəzaɗe na van na, gesiŋ də təstəsəŋgə, wəsəɓɗe nan seseləŋgə,

⁸ məɗiyit ka faɗə, məɗɗet də gegesiŋ sarra.

⁹ Aslənək əbit sit ɗiy nani, aɗiyək wənmiyna nan ka faɗə. Iya nan salala yi adahək nawgeslne' səni.

¹⁰ Ətəŋ na maɗɗula na, əgeslne' sən Yawe yi: məzəɗɗaŋ vas na pak aslanənək ziti. Kawgagdakani Daya hã faɗə.