Gəlyaɗe 108 - Bible en Guidar

Wanəfɗahan bapummo

¹ Gəlya, gəlyanalva na Davit.

² Asɓan makrawa Maŋgəlva, wanəyə gəlya, wanəlvə, aw gagdak nawa!

³ Gazaŋvəl də gaŋgara nawa məfɗahə, wanəfɗahan bapummo.

⁴ Wanəɗi kiyuk aret ɗiyi Daya, wanəlvok də gəlya a weleŋgit ɗiyi;

⁵ vi moggon nok adayək ki disiŋ gəm gesiŋ nok tay əgap aza slaybuwna.

⁶ Maŋgəlva, aziw aka disiŋ, gəm gagdak nok dəday ki dəlvafuŋ gboŋgu!

⁷ Vi ɗiy nok en kəŋgəl dəssoŋgən na kiyti, akõhgit də vok dəzəŋ! Azlan suwa.

⁸ Maŋgəlva apelik addəv gəla nani amna: «Wanəskəwəla! Wanuɗak Sikem gəm wanuɗak walaŋ na Sukkot.»

⁹ Galad nawi yi; Manase nawi yi; Efrayim kulpupu nawgay nakawi yi; Yuda zleŋge na məlĩ nawi yi;

¹⁰ Mo'ab, gefleŋ naslslay nawi. Wanəzgan hensek naw aka Edom. Wanəŋgəzl vaŋvəl nawgay aka Filisti.

¹¹ Naway nawku a walaŋgəla-metiŋ na korgu di? Naway nawku hã a Edom di?

¹² Is Maŋgəlva tə kəzgam ɓa sa? Maŋgəlva kawgilyok dit məzəlpaŋ nam ɓa.

¹³ Ade abbah səmə, atərəm səva məzuseɓ namə, vi əkõh na va ɗəf zəga ɗari.

¹⁴ Də Maŋgəlva na wamərah əskawəla, nan wandepet məzuseɓɗe namə.