Gəlyaɗe 101 - Bible en Guidar

Iynama na məlĩ aba Maŋgəlva

1 Gəlyanalva na Davit.

¹ Gəlyanalva na Davit. Wanəyə gəlya aka moggon də ətawwəna, nok na Yawe wanəlvoko!

² Maw aka nərahgən əsən aka tive təstəs-gərakə: dewe kədazzok azaw di? Nədawgən də makraw moggon eŋgil anawda.

³ Nəŋger na əppan haraw ula zəga mbərayən ɓa. Wanəzelen əmzlah ki tive, agəm na maɗɗulaw ɓa.

⁴ Makra daryaw wazar səzawa; maw tay aka əsən mbərayən ɓa.

⁵ Məndə gabba ɗəfa, wanəmpan man kpuɓu. Məsfərka də məɗi kizən pak nəɓis na ɓa.

⁶ Haraw wasan aket ɗiy en təstəs naka dələv dəssoŋgən də iyna. Məs ədaw nan təstəs-gərakə, nan wasan aka wəza nawa.

⁷ Məmbəɗan ɗəf asan na eŋgil anawda ɓa. Muwə wən aziwna abaw ɓa.

⁸ Va addaŋ pak wanəmpan met məsdarawɗe naka dələv pakə, məɗɗaŋ ɗarɗar pak kawzeti sə walaŋgəla-metiŋ na Yawe.