Gəlyaɗe 10 - Bible en Guidar

¹ Yawe, vimi kəsok faraɗa, is haɗam pay nawzəm sahã di?

² Addəv fərka na, məsdaraw tay əppik məssehẽŋɗe, armek də pepet nan məs azaɓə.

³ Vi məsdaraw tay əɗi ki zəni adan aɗɗa an na makrani; adan arah də vurum nani, ndən əran Yawe gəm əmas akani.

⁴ Məsdaraw ula zən na agapka, awkay əmpa ɓa: «Maŋgəlva tay ɓa», aski əɗɗum nan gərakə.

⁵ Pay pak an agəɗ tay ədaw ammbani, wətawwən nok faraɗay səbani; tay ətuf mefɗe aket məzuzelɗe nan pakə.

⁶ Anah a makran na: «Nəɓəl na ɗah ɓa hã faɗə, əray arəhu na kpak ɓa.»

⁷ Baran aknahək də əraya, vurum, pepete; əray də wən ɗar dədawgilyoŋ səmmba slayni.

⁸ Tay sorro ama hara gəla; haɗam kawbay ɗəf məs man bartata: haran bəzleɗɗe aka ɗəf məddakni,

⁹ tay sorro, məɗamən va ɓoolu a təki nawɗam nani; tay sorro vi karma məssahã; tay ərma məssahã də əkkənən addəv bizwil nani;

¹⁰ ndən ɓe' limbilimbi, ɗiy məddekit diyɗa tay əbətaŋ addəv gagdak nani.

¹¹ Tay Ənah a makran na: «Maŋgəlva azgətka, aɗamanək harani, tay an adawla ɓa.»

¹² Asili, Yawe! Maŋgəlva, aslan voko! Kəzgət kiyit məssehẽŋɗe ɓa!

¹³ Vimi məsdaraw adawmas aka Maŋgəlva də ənah a makran na: «Kəkayan na ɓa di?»

¹⁴ Kulaka, is məzula tatwãh də wəzəmsahã na məssahã, kawgəm wən nan avoko. Avok ɗəf məddakən adappan zəni, istə kədabbah sən mitiwe.

¹⁵ Aŋzlu va məsdaraw, an kəkayanək mbərayən na məsdaraw, tay kədawrəh ɓa.

¹⁶ Yawe yi məlĩ hã sləɗ faɗə; ɗiy-ɗar wazaŋ səka dələv nani.

¹⁷ Yawe, is tat əprəm wəray net məzurayɗe, is tat əsɓan sit mekreti, is tat əpak sləmok geŋge,

¹⁸ kawtawwən na mitiwe gəm məsərmani; ɗəf dələv mekeleŋ ɗar, azban na əzlahgən mekret ɗiy əmpa ɓa.