Filemon 1 - Bible en Guidar

Ətoŋ addəvən ( 1-3 ) Əsɗa

¹ Səza Pol mə fərsəna vi Yesu Kristu gəm Timote məlməni sən Filemon baynam na makram məgəɗ wəza də mənamə,

² gəm sət məlməm Afiya, gəm sən Arkippas, məzəbbah səm də wəza, gəm sit ɗiy na Maŋgəlva məzəkkalaŋ anokda.

³ Mbəlembəle də zəzay na Maŋgəlva Afəmə də Daya nam Yesu Kristu dəsan akokum.

Əɗi ki Filemon ( 4-7 ) Əŋgla gəm ətaf na Filemon

⁴ In tat əgəɗ sən soko sən Maŋgəlva pay pak in tat əɗɗum akok addəv əkkam nawa.

⁵ In tat əprəm wən na əŋgla nok viyit ɗiy salala pakə gəm ətaf məs kətaf Daya Yesu.

⁶ Ka ətaf məs dəsapam də is dətərgən wəraya, kəɓapgən əsən moggon məs dəsan addəvəm vi Kristu.

⁷ Vi əŋgla nok annekik zu sawɓa avayək gbogboŋgo, kəsɓanək makret ɗiy na Maŋgəlva məlmuwa.

Əya Onesimus ( 8-22 ) Əkkam na Pol vi Onesimus

⁸ Vi in tat də tive viŋ nawnah suk məs dəslə addəv Kristu,

⁹ vi wən na əŋgla, In tat əkkamok dəkkamə. In Pol va nəsawən ɗəf məsɓaw nani, kakaŋ mə fərsəna nan vi Kristu,

¹⁰ in tat əkkamok vi wətu Onesimus, an məs nəwə a fərsəna.

¹¹ Ndən məs dətər suk wəray far lahəŋ ɓa, ya kakaŋ na watər wəray suko gəm su pakə.

¹² In tat əmilgən suko, ndən məs əŋgla na makrawa.

¹³ Nəŋgələk əppan azaw kəta, dəgəɗ sugən wəza a gulok aka in tat a fərsəna vi Alabara Neneke.

¹⁴ Ya nəŋger əɗɗan vas məza də əŋgla noki ɓaɓa. Vi əɗɗa moggon nok adawsan va na gagay ɓa, dəsangən də əŋgla noko.

¹⁵ Kuzuŋ Onesimus awɗak də'is pay siɗikke na, ka kətafgən anokda faɗi,

¹⁶ məza va balam ɓa, adayək ki balam, tay va məlma an məŋgluwən diyɗa. Nəŋgluwək sawɓa ya is kədaŋgluwən dayə, əŋgluwən va ɗəfa gəm va məlma addəv Daya.

¹⁷ An kuluwək kan va baynoko, ataf va iyna.

¹⁸ An araygən sukko, awaniɓa dəmən nok tay akani, aŋɗan akawa.

¹⁹ In Pol nəver də vawa, wanəfaɗa, vi wanəh suk tam na is zək nok van dəmən naw kənani.

²⁰ Kamə məlmuwa aɗɗa su vaska vi əŋgla na Daya, affeten su makrawa də əŋgla na Kristu.

²¹ Dəka əsən əprəm ma noki nədawver suko, nəsənka wakəɗɗa day ki an məs nədawnah suko.

²² Ya azaɓ su təki nawvoŋ ngohsa'e, in əɗɗumən na də əkkam nokumu, wanərah mbəlembəle nappaw sukum.

Əgrakən ( 23-25 ) Əsɗa an bayma faɗə

²³ Epafras makkayaw na fərsəna vi Yesu Kristu asɗokuko,

²⁴ gəm Markus, Aristarkus, Demas, Luka məɗɗaŋ wəza də ina.

²⁵ Mbəlembəle na Daya Yesu Kristu dəsan də munokum.