Ezra 10 - Bible en Guidar

Mə Yudeɗ tay ərɓihin gil molhõyẽɗi

¹ Adan Ezra adakkam mbiriɓɓe, wərbet mambrayɗe nan wəhəm aba Gəla na Maŋgəlva, mə Israyelɗe məkkelit vəŋkət vəŋkətə, zeli, gili, gəm kirni, akkalaŋgək azani, vi ɗiy tay əhəmaŋ sin zletzleti.

² Yaŋ Sekaniya wətən Yehiyel, taka səweleŋgit kirtin Elam, anah sən Ezra na: «Də əkay gil molhõyẽɗ, kirtit ɗiy-ɗariŋki, məzban Maŋgəlva təstəs ɓa. Ya kakaŋ aka wənəs na, makra Israyel tay kəɗehe əmpa:

³ miynan səm mam kakaŋ də Maŋgəlva nam, karɓehet giliŋ dit kirtit pakə, məzbangən wəzga' na daya nawa gəm net məgeslne'eŋ sənən an Maŋgəlva nam aziw akani. Dəgəɗ va mahenziŋ anahə!

⁴ Asili, wənəŋ azoki; mənam tat də isi; asɓan zuko, atəŋ wəza!»

⁵ Yaŋ Ezra asili, asweygit deyeɗe net məsdəlveŋge, mə leviɗe dit mə Israyelɗe dəwən neti, kaɗɗan va mənəhən yaŋ aswayaŋgə.

⁶ Ezra asilik sə təki asan, səba Gəla na Maŋgəlva; ambat də giziŋ ana Yohanan da, wətən Eliyasib da; agap adaka, dəzəm way ɓa, dəsə iŋkile ɓa, vi tay əɗəka aka wən na əku net ɗiy məket aka balamiŋki.

⁷ Mətəli ma a Yuda, a Yerusalem, ənah sit ɗiy dəmndoŋ səka balamiŋ pak dəkkalaŋgən a Yerusalem.

⁸ Addəv pay hoku ɗəf məs dəde ɓa na, kawtakni arya nan pakə, ndən sən kiyən kazgani sə weleŋgit ɗiy, va deyeɗe dit ɗiy məsɓet anahaŋgə.

⁹ Yaŋ zel na Yuda dit en na Benyamin akkalaŋgək a Yerusalem, addəv pay hoku; aka əvoŋ kaklaw sula na təla məvaytakani. Ɗiy pak assoŋguk a təki na Gəla na Maŋgəlva, tay əkkereŋ aka wənəska, gəm wən na buna.

¹⁰ Məsdələv Ezra asilke, aɓsit na: «Kəkuwaŋka, wəɗi gil molhõyẽɗiŋ duwan mambray na Israyel də metiŋgini.

¹¹ Kakaŋ na, mərban mambray nokum aba Yawe, Maŋgəlva net efiŋgiɗkum, məɗɗa əŋgla nani: məgoh səzet ɗiy naka dəlvəŋ dit gil molhõyẽɗi.»

¹² Ŋgboŋ net ɗiy pak azlanək dayadaya: «Vaski! Azam apəl naɗɗan va kənahə!

¹³ Ya ɗiy diyɗaŋgə, dabyay yi; məɓap na kawsam appaka ɓa. Dəday əmpa na, zəga yi naɗɗa pay taka awaniɓa sula ɓa, mənam məs məgəɗ zev mambrayəs diyɗa mənani.

¹⁴ Va wagəɗ na deyeɗe nam dəssoŋ aŋ a gəlet ɗiy pakə, gəm ɗiy en na walaŋgəleɗe nam dəɗiyaŋ gil molhõyẽɗ pak dəzzoŋgən aka pay an məɗiyən sap dit ɗiy məsɓet na walaŋgəla-metiŋ awani pak dit mətawaŋwən nadak hã gap ədagədəv na Maŋgəlva zar səkam, aka wənəŋka.»

¹⁵ Yonatan, wətən Asayel, də Yahzeya, wətən Tikwa kaka' dətafən wənəs ɓa, yaŋ may Mesulam də mə levi adawyaŋ na Sabtay abbahaŋ sitini.

¹⁶ Məs məket aka balam nek aɗɗanənək va məpelin. Sap də məsdələv Ezra, məweli zel migil gəleɗe, səddəv mahəlfa pak, də iya neti. Assoŋ də wəvoŋ taka na təla məkəlawan, vi kawkayan wən nani.

¹⁷ Wəsɓəta maddaabəŋ na təla maddaabəŋ məgrakən dit zel en dəɗiyaŋ gil molhõyẽɗ pakə.

Iya net mə Yudeɗ dəraygənən wəna

¹⁸ Aweleŋgit kirtit məsdəlveŋge məs dəɗiyaŋ gil molhõyẽɗ na, mərəhi: Səret kirtin Yosuwa wətən Yosadak dit milmiŋgiɗni: Maseya, Eli'ezer, Yarib gəm Gedaliya;

¹⁹ agəmənək wən nan met taŋ taŋ narɓehet gil neti, gəm nawzaɓ-Maŋgəlva də ndargayã navvuyon mambray neti.

²⁰ Səret kirtin Immer: Hanani də Zebadiya.

²¹ Səret kirtin Harim: Maseya, Eliya, Semaya, Yehiyel, gəm Uziya.

²² Səret kirtin Pashur: Eliyohenay, Maseya, Ismayel, Netaneyel, Yozabad, gəm Eleyasa.

²³ Səret mə leviɗe: Yozabad, Simey, Kelaya awaniɓa Kelita, Petaya, Yuda, gəm Eli'ezer.

²⁴ Səret miyaŋ gəlya: Eliyasib. Səret məgaŋ mativeɗi: Sallum, Telem, gəm Uri.

²⁵ Net mə Israyelɗe na: Səret kirtin Pareyos: Ramiya, Yizziya, Malkiya, Miyamin, Ele'azar, Malkiya gəm Benaya.

²⁶ Səret kirtin Elam: Mataniya, Zakarya, Yehiyel, Abdi, Yeremot gəm Eliya.

²⁷ Səret kirtin Zattu: Eliyohenay, Eliyasib, Mataniya, Yeremot, Zabad gəm Aziza.

²⁸ Səret kirtin Bebay: Yohanan, Hananiya, Zabbay, Atlay.

²⁹ Səret kirtin Bani: Mesullam, Malluk, Adaya, Yasub, Se'al, Yeramot;

³⁰ Səret kirtin Pahat-Mo'ab: Adna, Kelal, Benaya, Maseya, Mataniya, Besalel, Binnuwi, Manase.

³¹ Kirtin Harim: Eli'ezer, Yisiya, Malkiya, Semaya, Simeyon,

³² Benyamin, Malluk, Semarya.

³³ Səret kirtin Hasum: Mattenay, Mattatta, Zabad, Elifelet, Yeremay, Manase, Simey.

³⁴ Səret kirtin Bani: Ma'aday, Amram, Uwel,

³⁵ Benaya, Bediya, Keluhi,

³⁶ Waniya, Meremot, Eliyasib,

³⁷ Mataniya, Mattenay gəm Ya'asay:

³⁸ Bani gəm Binnuwi, Simey,

³⁹ Selemiya, Natan, Adaya,

⁴⁰ Maknadebay, Sasay, Saray,

⁴¹ Azarel, Selemiya, Semarya,

⁴² Sallum, Amariya, Yosef.

⁴³ Səret kirtin Nebo: Yehiyel, Mattitiya, Zabad, Zebina, Yadday, Yo'el, Benaya.

⁴⁴ Eskis pak, aɗiyaŋgək gil molhõyẽɗi; anet da van nan, gil meɓɓet tahəŋ məs duwaŋ kirni dəndaŋ.