Efesus 2 - Bible en Guidar

Səka əmta hã aza zeŋgile

¹ Məmtukum kənanən lahəŋka, viyit heslepeɗe gəm viyit mambrayɗe nokum,

² məs kədawaŋ addivit lahəŋ va aza məlĩ neggeŋka, va aza gagdak na məlĩ na əmpəs naka walaŋ disiŋ də dəlvafuŋ, kakaŋ zlaŋ tay əɗɗa wəza a walaŋgit ɗiy məs aprəmən ma Maŋgəlva ɓa.

³ Nam pak aret mənan lahəŋka, mədawək lahəŋ va aza əsim zəga na gəɓa zəmə, də əɗɗa əŋgla na gəɓa zəmə gəm na maɗulamə. Addəv əssa nam lahəŋ na, kirtin ədagədəv mənanə'e va ɗiy meɓɓeti.

⁴ Ya Maŋgəlva tay də ulasahã diyɗa, vi memetiŋ na əŋgla nan məs aŋglumə,

⁵ mənam məs məsam məmtəm viyit heslepeɗe namə, ambəlgəmək də Kristu, də mbəlembəle kəkohoŋgu.

⁶ Maŋgəlva asilgəmək sap dəndəni, asugəm a disiŋ addəv Yesu Kristu,

⁷ vi karban arya na mbəlembəle nan məs dəday ki zəga pak addəv pay məs dədazzan də moggon nan viyəm addəv Yesu Kristu.

⁸ Vi də mbəlembəle kəkõhoŋgu, də ətafa, as van dəde səzokum ɓa, əvəl na Maŋgəlva yi.

⁹ Dəde səza wəza ɓa, vi ɗəf adawkaɓ ɓa.

¹⁰ Vi wəza na van mənani, azəməɗəm addəv Yesu Kristu viyit wəzeɗe mogget məs azaɓet dafsən ka mədawgən addivti.

Əsap taka addəv Yesu Kristu

¹¹ Vini, məɗɗumoni, ɗiy-ɗar kənanən lahəŋ addəv gəɓa zukum, məs dəskəlaŋ awra addəv gəɓa zit, məɗɗan də va ɗəf, adawyumən na ganyẽɗi.

¹² Pay dəpas na, mənokum tat məza Kristu ɓa, faraɗa də tive nassa aret mə Israyelɗe, melekeɗ aza wənmiyna na iynama, məza əɗɗum nawrəh zəga ɓa gəm məza Maŋgəlva nokum egge ɓa.

¹³ Ya kakaŋ na, addəv Yesu Kristu, mənokum məs faraɗa lahəŋ naka, mbel na Kristu azargukumənək go'o.

¹⁴ Vi ndəni zay namə, ndəni dəɗɗa zəgeɗ sula asapaŋ taka də əɓzlu mərsla məs duɗeket səddəv gəɓa zəni, ana əzele.

¹⁵ Azanək mahenziŋ sap dit mahenziŋɗe gəm əzbaɗe neti, vi kawsapet ɗiy sulegit addəvən ka ɗəf meleketeti taka, də əɗi zazaya.

¹⁶ Asleretik sulegit də Maŋgəlva addəv gəɓa zə ɗəf taka, də məzliwrihe, dəndəni azanək əzele.

¹⁷ Adan ade, arbanək Alabara Nenek na zazaya, sukum mənokum akən faraɗa gəm zazay sit en go'o.

¹⁸ Vi mbəlembəle nani, mənam sulegəm pak addəv Əmpəs taka mərah ətoŋ aza Afəni.

¹⁹ Vaski kana, məlekeɗi awaniɓa mohõyẽɗ kənanaŋ əmpa ɓa, kəkkpaŋgaŋgək dələv taka dit ɗiy salala gəm ɗiy neŋgil ana Maŋgəlva da.

²⁰ Mərkukumi aka gabba gəla məs məɗiyən dit maslənɗe gəm məskəleŋɗe, Yesu Kristu zək nani gərəm na bezler.

²¹ Akani ərka pak asan kamazən moggoni, aɓay ka dəsangən gəla-na-Maŋgəlva salala addəv Daya.

²² Akani yi'e nokum mərkukum sapə, ka kəssoŋgən təki nassa na Maŋgəlva addəv Əmpəsa.