Əŋɗa 7 - Bible en Guidar

Mawteɗ məvəl dənɗaŋ ammba əkol ma gəla salala

¹ Aka pay Moyis aggrak wəza na gəla nassa na Maŋgəlva bayman na, yaŋ asləroɓ mẽl na mahenziŋ apesl dit zəgeɗ naddəvən gərak sap də təki nawzaɓ-Maŋgəlva, zəgeɗ gərak asləroɓ sit mẽl na mahenziŋ, apesle.

² Yas kan ɗiy gugriɗ na Israyel en na mahəlfaɗe temtem akinən əvəl neti. Es vet ɗiy gugriɗ net mahəlfaɗe məs dədawgənən ever nekəŋgə.

³ Akiyənək əvəl net aba Yawe: mawteŋɗe sləre məsərət kiyit, gəm medgeɗgeɗe kəlaw kiyit sula. Va wənah na, ɗiy sula təp aka Mawta taka gəm medgeɗge taka səva ɗəf pakə. Yaŋ akenin əziwgit aba təki nassa.

⁴ Yawe apel sənək Moyis amna:

⁵ «Ataf əvəl məs akiyaŋ sukuni; wasan ka naɗɗa wəza na gizlirke nalma də Maŋgəlva dəndəni. Kipsitigin sit mə Leviɗe, naway di pak aza wəray na wəza nani.»

⁶ Moyis kan, mawteɗe dit medgeɗgeɗe hãs əndet awɗek sit mə leviɗe:

⁷ apsit mawteɗe sula dit medgeɗgeɗe poɗo sit mə Gersonɗe, əslan aza wəray na wəza neti,

⁸ mawteɗe meɓɓet poɗo dit medgeɗgeɗe dədopoɗo, apsit kirtin Merari, əslan aza wəza net məs aɗɗaŋ aba məsdələv Itamar, wət məsdələv Aron.

⁹ Dəpsit kirtin Kehat ɓa, vi wəza naɗɗa net na ndəni əslet zəgeɗ na matuya ama wəleti.

Əvəl ammba əɗahma matuya

¹⁰ Ɗiy gugriɗ na dələv akiyənək əvəl net ammba əɗahma matuya aka pay məsləroɓ sən mẽl na mahenziŋ, ɗiy gugriɗ na dələv net akanənək əvəl net a matuya.

¹¹ Yawe aɓsən Moyis na: «Ɗiy gugriɗ na dələv dəkinən əvəl neti, ɗəf taka aza əsɓəta ammba əɗahma matuya.»

¹² Nason wətən Aminadab, na mahəlfa na Yuda dəki əvəl nan daabəŋ.

¹³ Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

¹⁴ hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

¹⁵ Medgeɗge taka, ndargayã taka, time taka məs wəzva taka ammba əvəl nawzla kurmbuɗuku;

¹⁶ porsok taka, nawzaɓ-Maŋgəlva navvuyon mambraya.

¹⁷ Ammba əzaɓ-Maŋgəlva nawrəh zəzay na, medgeɗgeɗe sula, ndergeyẽɗ sle', porsokɗe sle', gəm timeŋgiɗ məs wəzva taka taka sle'i. Aski əvəl na Nason wətən Aminadab.

¹⁸ Pay masula'ən, Netanel wətən suwar, daya na zev Isakar akiyək əvəl nani.

¹⁹ Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

²⁰ hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

²¹ Medgeɗge taka, ndargayã taka, time taka məs wəzva taka ammba əvəl nawzla kurmbuɗuku.

²² Porsok taka, nawzaɓ-Maŋgəlva navvuyon mambraya;

²³ gəm ammba əzaɓ-Maŋgəlva nawrəh zəzay na, medgeɗgeɗe sula, ndergeyẽɗ sle', porsokɗe sle' dit timeŋgiɗ məs wəzva taka taka sle'i. Aski əvəl na Netanel wətən suwar.

²⁴ Pay mohokoni, daya net kirtin Zabulon yi, Eliyab wətən Helon.

²⁵ Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

²⁶ hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

²⁷ Medgeɗge taka, ndargayã taka, time taka məs wəzva taka ammba əvəl nawzla kurmbuɗuku.

²⁸ Porsok taka nawzaɓ-Maŋgəlva navvuyon mambraya;

²⁹ gəm ammba əzaɓ-Maŋgəlva nawrəh zəzay na, medgeɗgeɗe sula, ndergeyẽɗ sle', porsokɗe sle', timeŋgiɗ məs wəzva taka taka sle'i. Aski əvəl na Eliyab wətən Helon.

³⁰ Pay mopoɗon na, daya net kirtin Rubeni yi, Elisur wətən Sede'ur.

³¹ Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

³² hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

³³ Medgeɗge taka, ndargayã taka, time taka məs wəzva taka ammba əvəl nawzla kurmbuɗuku.

³⁴ Porsok taka nawzaɓ-Maŋgəlva navvuyon mambraya;

³⁵ gəm ammba əzaɓ-Maŋgəlva nawrəh zəzay na, medgeɗgeɗe sula, ndergeyẽɗ sle', porsokɗe sle' gəm timeŋgiɗ məs wəzva taka taka sle'i. Aski əvəl na Elisur wətən Sede'ur.

³⁶ Pay masle'en na, daya net kirtin Simeyon ni yi, Selumiyel wətən Surisaday.

³⁷ Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

³⁸ hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

³⁹ Medgeɗge taka, ndargayã taka, time taka məs wəzva taka ammba matuya nawzla kurmbuɗuku.

⁴⁰ Porsok taka nawzaɓ-Maŋgəlva navvuyon mambraya;

⁴¹ gəm na əzaɓ-Maŋgəlva nawrəh zəzay na, medgeɗgeɗe sula, ndergeyẽɗ sle', porsokɗe sle', gəm timeŋgiɗ məs wəzva taka taka sle'i. Aski əvəl na Selumiyel wətən Surisaday.

⁴² Pay ma sləren na, daya net kirtin Gad tiyi, Elyasaf wətən De'uwel.

⁴³ Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

⁴⁴ hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

⁴⁵ Medgeɗge taka, ndargayã taka, time taka məs wəzva taka ammba əvəl nawzla kurmbuɗuku.

⁴⁶ Porsok taka nawzaɓ-Maŋgəlva navvuyon mambraya;

⁴⁷ gəm ammba əzaɓ-Maŋgəlva nawrəh zəzay na, medgeɗgeɗe sula, ndergeyẽɗ sle', porsokɗe sle' gəm timeŋgiɗ məs wəzva taka taka sle'i. Aski əvəl na Elyasaf wətən De'uwel.

⁴⁸ Pay mabuhulon na, daya net kirtin Efrayim, Elisama, wətən Ammihuti yi.

⁴⁹ Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

⁵⁰ hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

⁵¹ Medgeɗge taka, ndargayã taka, time taka məs wəzva taka ammba əvəl nawzla kurmbuɗuku.

⁵² Porsok taka nawzaɓ-Maŋgəlva navvuyon mambraya;

⁵³ gəm ammba əzaɓ-Maŋgəlva nawrəh zəzay na, medgeɗgeɗe sula, ndargayẽɗ sle', porsokɗe sle' gəm timeŋgiɗ məs wəzva taka taka sle'i. Aski əvəl na Elisama wətən Ammihut.

⁵⁴ Pay madədopoɗon na, daya net kirtin Manase, Gamaliyel, wətən Pedasuri yi.

⁵⁵ Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

⁵⁶ hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

⁵⁷ Medgeɗge taka, ndargayã taka, time taka məs wəzva taka ammba əvəl nawzla kurmbuɗuku.

⁵⁸ Porsok taka nawzaɓ-Maŋgəlva navvuyon mambraya;

⁵⁹ gəm ammba əzaɓ-Maŋgəlva nawrəh zəzay na: medgeɗgeɗe sula, ndergeyẽɗ sle', porsokɗe sle' gəm timeŋgiɗ məs wəzva taka taka sle'i. Aski əvəl na Gamaliyel wətən Pedasur.

⁶⁰ Pay mavaytakan na, daya net kirtin Benyamini yi, Abidan wətən Gideyoni.

⁶¹ Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

⁶² hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

⁶³ Medgeɗge taka, ndargayã taka gəm time məs wəzva taka ammba əvəl nawzla kurmbuɗuku.

⁶⁴ Porsok taka nawzaɓ-Maŋgəlva navvuyon mambraya;

⁶⁵ gəm ammba əzaɓ-Maŋgəlva nawrəh zəzay na: medgeɗgeɗe sula, ndergeyẽɗ sle', porsokɗe sle' gəm timeŋgiɗ məs wəzva taka taka sle'i. Aski əvəl na Abidan wətən Gideyoni.

⁶⁶ Pay makəlawən na, daya net kirtin Dan iyi, Ahiyezer wətən Ammisaday.

⁶⁷ Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

⁶⁸ hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

⁶⁹ Medgeɗge taka, ndargayã taka, time taka məs wəzva taka ammba əvəl nawzla kurmbuɗuku.

⁷⁰ Porsok taka nawzaɓ-Maŋgəlva navvuyon mambraya;

⁷¹ gəm ammba əzaɓ-Maŋgəlva nawrəh zəzay na, medgeɗgeɗe sula, ndergeyẽɗ sle', porsokɗe sle', gəm timeŋgiɗ məs wəzva taka taka sle'i. Aski əvəl na Ahiyezer wətən Ammisaday.

⁷² Pay makəlaw kiyən takan na, daya net kirtin Aser iyi, Pagiyel wətən Okran.

⁷³ Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

⁷⁴ hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

⁷⁵ Medgeɗge taka, ndargayã taka, time taka məs wəzva taka ammba əvəl nawzla kurmbuɗuku;

⁷⁶ Porsok taka nawzaɓ-Maŋgəlva navvuyon mambraya;

⁷⁷ gəm ammba əzaɓ-Maŋgəlva nawrəh zəzay na, medgeɗgeɗe sula, ndargeyẽɗ sle', porsokɗe sle' gəm ndergeyẽɗ məs wəzva taka taka sle'i. Aski əvəl na Pagiyel wətən Okran.

⁷⁸ Pay makəlaw kiyən sulan na, daya net kirtin Neftali yi, Ahira wətən Eynan.

⁷⁹ Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;

⁸⁰ hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

⁸¹ Medgeɗge taka, ndargayã taka, time taka məs wəzva taka, ammba əvəl nawzla kurmbuɗuku.

⁸² Porsok taka nawzaɓ-Maŋgəlva navvuyon mambraya;

⁸³ gəm ammba əzaɓ-Maŋgəlva nawrəh zəzay na, medgeɗgeɗe sula, ndergeyẽɗ sle', porsokɗe sle' gəm timeŋgiɗ məs wəzva taka taka sle'i. Aski əvəl na Ahira wətən Eynan.

⁸⁴ Aski əvəl net ɗiy gugriɗ na dələv na Israyel ammba əɗah təki nawzaɓ-Maŋgəlva aka pay məsləroɓ sən mẽl na mahenziŋ: hiliŋgiɗ na way na təbəz babar kəlaw kiyit sula, ŋgefleŋɗe na təbəz bəbar kəlaw kiyit sula, hĩlĩŋgiɗ net iŋkile na meleŋge kəlaw kiyit sula.

⁸⁵ Hĩlĩw na way na təbəz babar pak gagdak nan tay kilo taka də mani, ŋgefleŋ pak gagdak nan tay: day ki wəɗak na kilo. Gagdak net zəgeɗis pak asapək: ammba kilo sula də wəɗakə. Məslan də kilo naddəv gəla salala.

⁸⁶ Hĩlĩŋgiɗ net iŋkile na meleŋge kəlaw kiyit sula məknihit də tursan, gagdak na taka pak tay: kilo taka muɗakan kəlawə, məslan də kilo naddəv gəla salala. Meleŋge net hĩlĩŋgiɗ net iŋkile pak agəɗək kilo taka gəm kilo taka muɗakan sle' zleɓ akani.

⁸⁷ Zəgeɗ memeyẽɗ gugriɗ en nammba əvəl nawzla kurmbuɗuk asapaŋgək pak medgeɗgeɗe kəlaw kiyit sula, ndargeyẽɗ kəlaw kiyit sula gəm timeŋgiɗ məs wəzva taka taka kəlaw kiyit sula, də əvəl məs məŋgla ammbeti; gəm porsokɗe kəlaw kiyit sula nawzaɓ-Maŋgəlva navvuyon mambraya.

⁸⁸ Zəgeɗ memeyẽɗ gugriɗ en nammba əzaɓ-Maŋgəlva nawrəh zəzay asapaŋgək pakə: medgeɗgeɗe kaklaw sula kiyit poɗo, ndargeyẽɗ kaklaw sləre, porsokɗe kaklaw sləre, gəm timeŋgiɗ məs wəzva taka taka kaklaw sləre. Aski əvəl ammba əɗah təki nawzaɓ-Maŋgəlva sə dərɓaga məsləroɓ sən mẽl na mahenziŋ.

⁸⁹ Aka Moyis atoŋ a gizlirke nalma də Maŋgəlva vi kawpel də Daya na, aprəmək wəla ɗəf əpel sən sə disiŋ ki təki nawrəh zazaya, sə weleŋgit kerubaɗe sula. Təki nawrəh zəzay van aka ma akoti na ɗerewel nawsleri. Yaŋ adawpel səni.