Əŋɗa 33 - Bible en Guidar

Əteh temtem təŋ səza əgilye sə Eziptə

¹ Eŋkiŋ gəla əteh məs mə Israyelɗe dəgulyoŋ sə Eziptə ateheŋ temtem də dula net abet may Moyis də Aron.

² Moyis averik təki an ateheŋ temtem pak dəka əpel na Yawe. Təki an atehəŋ temtem yaŋka.

³ Ambataŋgək sə Ramses aka təla maddaabəŋ də wəvoŋ makəlaw kiyən sle'eni, vit mazayən na wəzləra na Pak mə Israyelɗe agulyoŋ sə Eziptə a ma heret ɗiy pak birre,

⁴ aka mə Eziptiɗ vet tahəŋ ədawndikinin magaziɗe net məs Yawe abay vi kawtaw wən aket meŋgilveɗ neti.

⁵ Mə Israyelɗe ambataŋgək sə Ramses, ateheŋ a sukkot.

⁶ Ambataŋ sə Sukkot, ateheŋ a Etam, a metteɓ kapta-muyã.

⁷ Ambataŋ sə Etam amulyoŋ a Pi-Hahirot, a mahara Ba'al-Sefon, ateheŋ aba Migdol.

⁸ Ambataŋ səba Hahirot, aggaraŋ ki pehe, atoŋgoŋ a kapta-muyã, adawaŋ tive əvoŋ hoku a kapta-muyã na Etam, ateheŋ a Mara.

⁹ Ambataŋ sə Mara addoŋ a Eliyam, ya a Eliyam na, met iŋkile tahəŋ kəlaw kiyit sula, gogozleɗ kaklaw buhul, ateheŋ adaka.

¹⁰ Ambataŋ sə Eliyam, ateheŋ go'o də pehe net vəlarɗe.

¹¹ Ambataŋ sə ma pehe net vəlarɗe, ateheŋ a kapta-muyã na Sin.

¹² Ambataŋ sə kapta-muyã na Sin, ateheŋ a Dofka.

¹³ Ambataŋ sə Dofka ateheŋ a Alus.

¹⁴ Ambataŋ sə Alus ateheŋ a Refidim, iŋkile tahəŋ nawsa net ɗiy adak ɓa.

¹⁵ Ambataŋ sə Refidim ateheŋ a kapta-muyã na Sinay.

¹⁶ Ambataŋ sə kapta-muyã na Sinay, ateheŋ a Kibrot-Ta'awa.

¹⁷ Ambataŋ sə Kibrot-Ta'awa ateheŋ a Haserot.

¹⁸ Ambataŋ sə Haserot ateheŋ a Ritma.

¹⁹ Ambataŋ sə Ritma ateheŋ a Rimmon-Peres.

²⁰ Ambataŋ sə Rimmon-Peres ateheŋ a Libna.

²¹ Ambataŋ sə Libna ateheŋ a Risa.

²² Ambataŋ sə Risa ateheŋ a Kehelata.

²³ Ambataŋ sə Kehelata ateheŋ aka mossorgo na Sefer.

²⁴ Ambataŋ sə mossorgo na Sefer ateheŋ a Harada.

²⁵ Ambataŋ sə Harada ateheŋ a Makehelot.

²⁶ Ambataŋ sə Makehelot ateheŋ a Tahat.

²⁷ Ambataŋ sə Tahat ateheŋ a Tera.

²⁸ Ambataŋ sə Tera ateheŋ a Mitka.

²⁹ Ambataŋ sə Mitka ateheŋ a Hasmona.

³⁰ Ambataŋ sə Hasmona ateheŋ a Moserot.

³¹ Ambataŋ sə Moserot ateheŋ a Ben-Yakan.

³² Ambataŋ sə Ben-Yakan ateheŋ a Hor-Gidgad.

³³ Ambataŋ sə Hor-Gidgad ateheŋ a Yotbata.

³⁴ Ambataŋ sə Yotbata ateheŋ a Abrona.

³⁵ Ambataŋ sə Abrona ateheŋ a Esiyon-Geber.

³⁶ Ambataŋ sə Esiyon-Geber ateheŋ a kapta-muyã na Sin va wənəh na a Kades.

³⁷ Ambataŋ sə Kades ateheŋ a mossorgo na Hor, gugo dit meŋge na dələv na Edom.

³⁸ Yaŋ məsdələv Aron apeŋ aka mossorgo na Hor dəka əpel na Yawe, amtə adak də əvoŋ taka na təla mesle'en aka əzva makaklawpoɗon səza mə Israyelɗe agulyoŋ sə Eziptə.

³⁹ Aron tay də əzva səkat də kaklaw sula kiyən hoku gala amtə aka mossorgo na Hor.

⁴⁰ Məlĩ na Arad, mə Kana'an məs dəsan də gəla a Negev aka dələv na Kana'an, aprəm əzziya net mə Israyelɗe.

⁴¹ Ambataŋ sə mossorgo na Hor, ateheŋ a Salmona.

⁴² Ambataŋ sə Salmona ateheŋ a Punon.

⁴³ Ambataŋ sə Punon ateheŋ a Obot.

⁴⁴ Ambataŋ sə Obot ateheŋ a Iye-Abarim, aket meŋge na Mo'ab.

⁴⁵ Ambataŋ sə Iye-Abarim ateheŋ a Dibon-Gad.

⁴⁶ Ambataŋ sə Dibon-Gad ateheŋ a Almon-Diblatayim.

⁴⁷ Ambataŋ sə Almon-Diblatayim ateheŋ aket mossorgoɗe na Abarim, a mahara mossorgo na Nebo.

⁴⁸ Ambataŋ sə mossorgoɗe na Abarim ateheŋ a təki məpəlayya na Mo'ab, gugo də Yurden a mahara Yeriko.

⁴⁹ Yaŋ ampanən dibirgidik net a təki məpəlayya na Mo'ab, go'o aza Yurden, təŋ sə Bet-Yesimot hã gap a Abel-Sittim.

Wəpel na Daya aka uɗak na Kana'an

⁵⁰ Yawe apel sənək Moyis a təki məpəlayya na Mo'ab, dakadaka də Yurden a Yeriko, amna:

⁵¹ «Apel sit mə Israyelɗe, anah sit na: Pay sən kədaggaraŋ ki Yurden kawtoŋ aka dələv na Kana'an na,

⁵² kirɓihingin ɗiy naka dələv nadak beymeti, kəzetingin tuyeɗe net məzeɓit dit girmeŋgeŋ beymeti gəm kezetingin zeŋgile tuyeɗe net na təbəz məhistiŋki, gəm kəɓzliwingin gəleɗe-nettuyeŋge net beymeti.

⁵³ Kəmõhəngən dələv vani, kəssoŋgən adak də gəla; vi nəpsukumuk dələv vanəŋ dəsangən ka nokumə.

⁵⁴ Kuɗakanəngən dələv van awalaŋ məlma nokum də vẽpəlwa. Sən məlma an dik na, kərslaŋgən haran nan diyɗa, sən məlma an ŋgbəra' na, kərslaŋgən haran nan siɗikke. Naway di pak dərahgən haran nan a təki an mərsləsən də vẽpəlwa; kuɗakanəngən aza mahəlfa net efiŋgiɗkumu.

⁵⁵ Ya an kərɓihin ɗiy naka dələv van ɓa na, en kəppaŋ səreti, wassoŋ wiri wiri va kevile arokum may va degirgeɗ aka təkzləmkum. Wattapokumən aka dələv məs kəssoŋ van kpakə,

⁵⁶ Vasna, məs nəɗɗum nawgəɗ siti, wanəkkpaŋgan akokum.»