Əŋɗa 30 - Bible en Guidar1 Moyis aprəman sitik an Yawe aɗi sən pak sit mə Israyelɗe. Mahenziŋ aka iynan wən də əsway ammban 2 Siske na, Moyis aprəman sitik əpel an Yawe aɗi wən nan sit ɗiy gugriɗ na mahəlfaɗe net mə Israyelɗe amna: Aŋki əpel an Yawe aɗi wən nani: 3 «An ɗəf aynanək man nawvəl sən Yawe, awaniɓa aswayək nappan kiyzən əɗɗa zəga mbərən na, adaddəɗan man ɓa, dəɗɗa aka tələn va aynani.» 4 Ya an waŋ gəla ana afətda, tiynanək mat nawvəla awaniɓa təsway sən Yawe, 5 An afət asanək ɓat dəpelsət gala aprəm wən nan ɓa na, iynama nat van aziwke, aslək təzbangən va iynama nata. 6 An afət aɓoŋguk aka aprəm wən na iynama nat aka zəta, tədazban an tinə van ɓa. Yawe wappan sət wən nani, vi afət aɓoŋguk akat dazban an tinani. 7 Ya an waŋ gəla tinanək mat aba Daya, ya təzlgə sləma akan ɓa, ndət ammba zil mbat na, 8 an zələt aprəməka, dəpelsət pay nan ɓa, asna təzbangən wən məs tinani, iynama nat məs tinə aka zət van aziwke. 9 Ya an zələt aka aprəməs na, ndən ɓoŋ, aŋzləwək wən na iynama nat aka zət məs dəgil səmata, Yawe wappan sət wən nani. 10 An gagəbaya, awaniɓa ɗak məs zələt apəl tinanək mat aka zət aba Yawe na, iynama nat məs tinə aka zət van aziwke. 11 «Ya an ana zələtdatə tinan mat aka zət naɗɗa zəga də əsway na, 12 an zələt aprəməka, dəpelsət dəpas ɓa, asna təzbangən wən məs tinani, iynama nat məs tinə aka zət van aziwke. 13 An zələt, aka pay aprəm na, aŋzləwək an dəgil sə mat pak ka iynama nat aka zəta, tat də tive nappan wən vani. Yawe wavvuyon səta, vimi di na, zələt aŋzləwək ɓalə. 14 Iynama aka zəta awaniɓa əsway də əɗɗa meme ammbani, zələt waɓap əziwgən wən məs tinan vani awaniɓa waɓap ənzləwən. 15 An dərɓaga əfna taka, səza zələt aprəm na, tay apel sət gon ɓa na, vasna asɓanək wən məs tinan van də əsso ɓatɓatə. 16 An dənzləw go' səza aprəm wən nan ɓa na, asna waslan heslepe nata.» 17 Eskiŋgə mahenziŋɗe məs Yawe aɗi wən nan sən Moyis, dəwəlsən ɗəf dət goni awaniɓa ɗəf dət wətən səka gore nat ananda. |
All right reserved
Bible Society of Cameroon