Əŋɗa 29 - Bible en Guidar

An nawda ammba pay naɗɗa soko

¹ «Wəsɓəta maddaabəŋ na təla mabuhulon na, kəɗɗaŋgən əkkal salala. Wəza tay kədaɗɗaŋ dəpas ɓa, dəsangən azokum pay naɗɗəla.

² Kədaŋgən əvəl nawzla kurmbuɗuk məs əŋgənən nek aka Yawe də medgeɗge taka, ndargayã taka, gəm ndergeyẽɗ məs wəzva takataka buhul məza heslepe azet ɓa.

³ Medgeɗge taka pak dəsangən də əvəl də gəpa kilo vaytak məllaɓən də mẽlẽ; na ndargayã na, əvəl də gəpa kilo sləre məllaɓən də mẽlẽ,

⁴ kilo hoku tam ammbat ndargayãk taka va assoŋ buhul gərakə.

⁵ Kəɗɗaŋgən matuya də porsoku'e, vi kaɗɗa sukum mahenziŋ navvuyon mambraya.

⁶ Sap aza əvəl nawzla kurmbuɗuk na təlaper gəm əvəl də zəga na mabardaw nani gəm əvəl nawzla kurmbuɗuk məs naɗɗa ɗayɗay də əvəl də zəga na mabardaw gəm mbazla nawpesl ammbani. Va məsərəka, way məzlan məs məŋgənən nek sən Yawe yi.»

An nawda ammba pay metiŋ navvuyon mambraya

⁷ Ɗə əvoŋ kəlaw na təla mabuhulon van na, kəɗɗaŋgən əkkal salala. Kəɗɗaŋgən meme, wəza tay kədaɗɗaŋ dəpas ɓa.

⁸ Kəpsənəngən əvəl nawzla kurmbuɗuk məs məŋgənən nek sən Yawe də medgeɗge taka, ndargayã taka, ndergeyẽɗ na wəzva takataka buhul, kərmaŋgən zəgeɗ memeyẽɗ məza heslepe azet ɓa.

⁹ Medgeɗge taka pak dəsangən də əvəl də gəpa kilo vaytak məllaɓən də mẽlẽ; na ndargayã na, əvəl də gəpa kilo sləre məllaɓən də mẽlẽ,

¹⁰ kilo hoku tam ammbat ndargayãk taka va assoŋ buhul gərakə.

¹¹ Kəzaɓəŋgən-Maŋgəlva də porsoku'e, vi kaɗɗa sukum mahenziŋ navvuyon mambraya. Əzaɓ-Maŋgəlva navvuyon mambraya sap aza əvəl nawzla kurmbuɗuk məs naɗɗa ɗayɗay gəm əvəl də zəga na mabardaw nani də mbazla nawpesl ammbeti.

An nawda ammba wəzləra net guɗukɗe

¹² Ɗə əvoŋ kəlaw kiyən masle'en na təla mabuhulon na, kəɗɗaŋgən əkkal salala. Wəza tay kədaɗɗaŋ dəpas ɓa. Kəɗɗaŋgən lumu taka aka əɗɗa wəzləra sən Yawe.

¹³ Kəpsənəngən əvəl nawzla kurmbuɗuk ka way məs məŋgənən nek sən Yawe: dit medgeɗgeɗe kəlaw kiyit hoku, ndergeyẽɗ sula, ndergeyẽɗ na wəzva takataka kəlaw kiyit poɗo, dəssoŋgən məza heslepe azet ɓa.

¹⁴ Əvəl də gəpa məllaɓən də mə̃l məs məŋgluwən na: kilo vaytak ammba wət wasli mizilin taka səret kəlaw kiyit hokogit pakə, kilo sləre ammba ndargayã taka pakə,

¹⁵ kilo hoku ammbat ndargayãk taka səret kəlaw kiyit poɗo pakə.

¹⁶ Kətawaŋgən wəla porsoku'e, vi kaɗɗa sukum mahenziŋ navvuyon mambray sap aza əvəl nawzla kurmbuɗuk məs naɗɗa ɗayɗay gəm əvəl də zəga na mabardaw nani də mbazla nawpesl ammbani.

¹⁷ Də əvoŋ masula'ən, medgeɗgeɗe kəlaw kiyit sula, ndergeyẽɗ sula, ndergeyẽɗ na wəzva takataka kəlaw kiyit poɗo, məza heslepe azet ɓa.

¹⁸ Də əvəl də zəga na mabardaw gəm mbazla nawpesl məŋgləwən ammbet kirtit wasliɗe mezeŋgleketi, ndargeyẽɗi gəm ndargeyẽɗ na wəzva takataka va məsərəka.

¹⁹ Kəɗɗaŋgən matuya də porsoku'e, vi kaɗɗa sukum mahenziŋ navvuyon mambray sap aza əvəl nawzla kurmbuɗuk məs naɗɗa ɗayɗay gəm əvəl də zəga na mabardaw nani də mbazla nawpesl ammbani.

²⁰ Də əvoŋ mohoko'ən, kirtit wasliɗe mezeŋgleket kəlaw kiyit taka, ndergeyẽɗ sula, ndergeyẽɗ na wəzva takataka kəlaw kiyit poɗo, məza heslepe azet ɓa.

²¹ Də əvəl də zəga na mabardaw gəm mbazla nawpesl məŋgləwən ammbet medgeɗgeɗe, ndargeyẽɗi gəm ndargeyẽɗ na wəzva takataka va məsərəka.

²² Kətawaŋgən wəla porsoku'e, vi kaɗɗa sukum mahenziŋ navvuyon mambray sap aza əvəl nawzla kurmbuɗuk məs naɗɗa ɗayɗay gəm əvəl də zəga na mabardaw nani də mbazla nawpesl ammbani.

²³ Də əvoŋ mapoɗoni, medgeɗgeɗe kəlawə, ndergeyẽɗ sula, ndergeyẽɗ na wəzva takataka kəlaw kiyit poɗo, məza heslepe azet ɓa.

²⁴ Də əvəl də zəga na mabardaw gəm mbazla nawpesl məŋgləwən ammbet medgeɗgeɗe, ndergeyẽɗi gəm ndergeyẽɗ məs wəzva takataka aza ənɗa net va məsərək an dəwəl siti.

²⁵ Kəzaɓəŋgən-Maŋgəlva vi navvuyon mambray də porsoku'e sap aza əvəl nawzla kurmbuɗuk məs naɗɗa ɗayɗay gəm əvəl də zəga na mabardaw nani də mbazla nawpesl ammbani.

²⁶ Də əvoŋ masle'eni, medgeɗgeɗe vaytakə, ndergeyẽɗ sula, ndergeyẽɗ məs wəzva takataka kəlaw kiyit poɗo, məza heslepe azet ɓa.

²⁷ Də əvəl də zəga na mabardaw gəm mbazla nawpesl məŋgləwən ammbet medgeɗgeɗe, ndergeyẽɗi gəm ndergeyẽɗ na wəzva takataka aza ənɗa net va məsərək an dəwəl siti.

²⁸ Kəzaɓəŋgən-Maŋgəlva vi navvuyon mambray də porsoku'e sap aza əvəl nawzla kurmbuɗuk məs naɗɗa ɗayɗay gəm əvəl də zəga na mabardaw nani də mbazla nawpesl ammbani.

²⁹ Də əvoŋ masləre'ini, medgeɗgeɗe dədopoɗo, ndergeyẽɗ sula, ndergeyẽɗ məs wəzva taka taka kəlaw kiyit poɗo, məza heslepe azet ɓa.

³⁰ Də əvəl də zəga na mabardaw gəm mbazla nawpesl məŋgləwən ammbet medgeɗgeɗe, ndargeyẽɗi gəm ndargeyẽɗ na wəzva takataka aza ənɗa net va məsərək an dəwəl siti.

³¹ Kəzaɓəŋgən-Maŋgəlva vi navvuyon mambray də porsoku'e sap aza əvəl nawzla kurmbuɗuk məs naɗɗa ɗayɗay gəm əvəl də zəga na mabardaw nani də mbazla nawpesl ammbani.

³² Də əvoŋ mabuhuloni, medgeɗgeɗe buhulu, ndergeyẽɗ sula, ndergeyẽɗ məs wəzva taka taka kəlaw kiyit poɗo, məza heslepe azet ɓa.

³³ Də əvəl də zəga na mabardaw gəm mbazla nawpesl məŋgləwən ammbet medgeɗgeɗe, ndargeyẽɗi gəm ndargeyẽɗ na wəzva takataka aza ənɗa net va məsərək an dəwəl siti.

³⁴ Kəzaɓəŋgən-Maŋgəlva vi navvuyon mambray də porsoku'e sap aza əvəl nawzla kurmbuɗuk məs naɗɗa ɗayɗay gəm əvəl də zəga na mabardaw nani də mbazla nawpesl ammbani.

³⁵ Də əvoŋ madodopoɗoni, kəkkalaŋgən baymokum, wəza tay kədaɗɗaŋ dəpas ɓa.

³⁶ Kədaŋgən əvəl nawzla kurmbuɗuk ka way məs məŋgənən nek aka Yawe də medgeɗge taka, ndargayã taka, gəm ndergeyẽɗ məs wəzva taka taka buhulu, məza heslepe azet ɓa.

³⁷ Də əvəl də zəga na mabardaw gəm mbazla nawpesl məŋgləwən ammbet medgeɗgeɗe, ndargeyẽɗi gəm ndargeyẽɗ na wəzva takataka aza ənɗa net va məsərək an dəwəl siti.

³⁸ Kəzaɓəŋgən-Maŋgəlva vi navvuyon mambray də porsoku'e sap aza əvəl nawzla kurmbuɗuk məs naɗɗa ɗayɗay gəm əvəl də zəga na mabardaw nani də mbazla nawpesl ammbani.

³⁹ «Eskin əzaɓ-Maŋgəlva kədaɗɗaŋ addəv əkkal nokum sap aza an kiynanən mokum napsən Yawe, əvəl va kəɗɗumon na kiykum ammbet əzaɓ-Maŋgəlva na əvəl nawzla kurmbuɗuku gəm əvəl də zəga na mabardaw nokum də mbazla nawpesle gəm tuyeɗe nawslere.»