Əŋɗa 26 - Bible en Guidar

Wəŋɗa net mahəlfaɗe na Israyel masula'ən

¹ Yawe aɓsit may Moyis də məsdələv Ele'azar wətən Aron na:

² «Məver Israyelɗe də man net aza məlma na ziti, məs wəzva net kaklaw sula ədda abe məzəɗɗaŋ wəza ara dula na Israyel.»

³ Moyis də məsdələv Ele'azar apeleŋ sitinik a təki məpəlayya na Mo'ab, ama Yurden, dakadaka də Yeriko. Aɓɗaŋ na:

⁴ «Kawverti ɗiy məs wəzva net kaklaw sula ədda abe, va Yawe aɗi wən nan sən Moyis əŋka.» Mə Israyelɗe en dəgulyoŋ səka dələv na Eziptə yeŋki:

⁵ Ruben, tizi na Israyel. Kirtin Ruben: səza Hanok gebbet mə Hanokɗe agili; səza Pallu gebbet mə Palluɗe agili;

⁶ səza Hesron gebbet mə Hesronɗe agili; səza Karmi gebbet mə Karmiɗe agili.

⁷ Eskiŋ gebbet mə Rubenɗe. Sap net aɗɗaŋgək zel 43 730.

⁸ Wətən Pallu: Eliyab

⁹ gəm kirtin Eliyab vani: Nemuwel, Datan gəm Abiram. Datan vanəski də ɗəf Abiram dəssoŋ ɗiy gugriɗ lahəŋ məs dətemeŋ aket may Moyis gəm Aron naka; tahəŋ addəv vanday na Kore gala atemeŋ aka Yawe.

¹⁰ Dəlvafuŋ man hã', asɗik sap də Kore. Daski ɗiy na vanday na Kore vet amtaŋ pakə, offo apuh zel səkat sula də kaklaw sle'i; akkpaŋgaŋgək va ɗiy narba wən dənɗaŋ.

¹¹ Kirtin Kore na, net dəmtaŋ ɓa.

¹² Kirtin Simeyon aza məlma na ziti: səza Nemuwel zeŋvit mə Nemuwelɗe agili; səza Yamin zeŋvit mə Yaminɗe agili; səza Yakin zeŋvit mə Yakinɗe agili;

¹³ səza Zera zeŋvit mə Zariɗe agili; səza Sawul zeŋvit mə Sawulɗe agili.

¹⁴ Eskiŋ zeŋvit mə Simeyonɗe. Aɗɗaŋgək zel 22 200.

¹⁵ Kirtin Gad aza məlma na ziti: səza Sefon zeŋvit mə Sefonɗe agili; səza Haggi zeŋvit mə Haggiɗe agili; səza Suni zeŋvit mə Suniɗe agili;

¹⁶ səza Ozni zeŋvit mə Ozniɗe agili; səza Eri zeŋvit mə Eriɗe agili;

¹⁷ səza Arod zeŋvit mə Arodɗe agili; səza Areli zeŋvit mə Areliɗe agili.

¹⁸ Eskiŋ zeŋvit kirtin Gad, gərak net tahəŋ zel 40 500.

¹⁹ Kirtin Yuda: Er gəm Onan, Er də Onan amtaŋgək aka dələv na Kana'an.

²⁰ Kirtin Yuda yeŋ aza məlma na ziti: səza Sela zeŋvit mə Selaɗe agili; Səza Peres zeŋvit mə Peresɗe agili; səza Zera zeŋvit mə Zariɗe agili.

²¹ Kirtin Peres yeŋki: səza Hesron zeŋvit mə Hesronɗe agili; səza Hamul zeŋvit mə Hamulɗe agili.

²² Eskiŋ zev Yuda, gərak net na, zel 76 500.

²³ Kirtin Isakar aza məlma na ziti: Səza Tola zeŋvit mə Tolayɗe agili; səza Puwa zeŋvit mə Puniɗe agili;

²⁴ səza Yasub zeŋvit mə Yasubɗe agili; səza Simron zeŋvit mə Simronɗe agili.

²⁵ Eskiŋ zev Isakar, gərak net na, zel 64 300.

²⁶ Kirtin Zabulon aza məlma na ziti: səza Sered zeŋvit mə Serdiɗe agili; səza Elon zeŋvit mə Elonɗe agili; səza Yahle'el zeŋvit mə Yahle'elɗe agili.

²⁷ Eskiŋ zeŋvit mə Zabulonɗe, gərak net na, zel 60 500.

²⁸ Kirtin Yosef aza məlma na ziti: Manase də Efrayim.

²⁹ Kirtin Manase: səza Makir zeŋvit mə Makirɗe agili. Makir duwa Galad; səza Galad zeŋvit mə Galadɗe agili.

³⁰ Kirtin Galad yeŋki: səza Iyezer zeŋvit mə Iyezerɗe agili; səza Helek zeŋvit mə Helekɗe agili;

³¹ səza Asriyel zeŋvit mə Asriyelɗe agili; səza Sekem zeŋvit mə Sikemɗe agili;

³² səza Semida zeŋvit mə Semidayɗe agili, səza Hefer zeŋvit mə Heferɗe agili.

³³ Selofehad wətən Hefer dərah wətən mizilin ɓa, muguluŋgit kaka' arahə. Kirtin Selofehad muguluŋgit vet iya net na: Mahla, Nowa, Hogla, Milka gəm Tirsa.

³⁴ Eskiŋ zev Manase; Gərak net aɗɗaŋgək zel 52 700.

³⁵ Kirtin Efrayim yeŋ aza məlma na ziti: səza Sutela zeŋvit mə Sutalɗe agili; səza Beker zeŋvit mə Bekriɗe agili; səza Tahan zeŋvit mə Tahanɗe agili.

³⁶ Kirtin Sutela yeŋki: səza Eran zeŋvit mə Eranɗe agili.

³⁷ Eskiŋ zeŋvit kirtin Efrayim, gərak net na, zel 32 500. Eskiŋ kirtin Yosef məŋɗet aza mahəlfa.

³⁸ Kirtin Benyamin aza məlma na ziti: səza Bela zeŋvit mə Baleyɗe agili; səza Asbel zeŋvit mə Asbelɗe agili; səza Ahiram zeŋvit mə Ahiramɗe agili;

³⁹ səza Sefufam zeŋvit mə Sufamɗe agili; səza Hufam zeŋvit mə Hufamɗe agili.

⁴⁰ Kirtin Bela na, ndəɗaŋ yeŋ: Ard gəm Na'aman, səza Ard zeŋvit mə Ardiɗe agili, səza Na'aman zeŋvit mə Na'amɗe agili.

⁴¹ Eskiŋ kirtin Benyamin addəv əver an aza məlma; gərak net agəɗə zel 45 600.

⁴² Kirtin Dan yeŋ aza məlma na ziti: səza Suham zeŋvit mə Suhamɗe agili; Eskiŋ zev Dan addəv əver an aza məlma.

⁴³ Məlma net mə Suhamɗe aɗɗaŋgək gərak net pak na, zel 64 400.

⁴⁴ Kirtin Aser aza məlma na ziti: səza Yimna zev Yimna agili; səza Yiswi zeŋvit mə Yeswiɗe agili; səza Beriya zeŋvit mə Beri'iɗe agili.

⁴⁵ Dəgulyoŋ səzet kirtin Beriya: səza Heber zeŋvit mə Hebriɗe; səza Malkiyel zeŋvit mə Malkiyelɗe.

⁴⁶ Iya nat wətən Aser na, Serah.

⁴⁷ Eskiŋ zeŋvit kirtin Aser, gərak net na, zel 53 400.

⁴⁸ Kirtin Neftali aza məlma na ziti: səza Yase'el zeŋvit mə Yase'elɗe agili; səza Guni zeŋvit mə Guniɗe;

⁴⁹ səza Yeser zeŋvit mə Yeserɗe; səza Sillem zeŋvit mə Sillemɗe.

⁵⁰ Eskiŋ zev Neftali addəv əver an aza məlma; gərak net aɗɗaŋgək zel 45 400.

⁵¹ Aski gərak net kirtin Israyel: 601 730.

Wərban uɗak dəlva

⁵² Yawe apel sənək Moyisi, amna:

⁵³ «Awalaŋ məlmaski dələv adawɗaka: haran na məlma pak dəsləgən aza əŋɗa net ɗiy nani.

⁵⁴ Məlma an diki, kərsləgən haran nan metiŋgini, məlma an ŋgbəra'ə, kərsləgən haran nan siɗikke. Haran na məlma pak dəsləgən aza gərak na əŋɗa neti.

⁵⁵ Də vẽpəlu kaka' uɗak na dələv adaɗɗa. Dərəhaŋgən haran net aza əŋɗa net ɗiy naddəv mahəlfa net efiŋgitti.

⁵⁶ Vẽpəlwa dədarban haran na məlma pak aza dik awaniɓa aza ŋgbəra' nani.»

Əver na mahəlfa na Levi masula'ən

⁵⁷ Gərak net mə leviɗe addəv əver an aza məlma yaŋka: səza Gerson zeŋvit mə Gersonɗe agili; səza Kehat zeŋvit mə Kehatɗe; səza Merari zeŋvit mə Merariɗe.

⁵⁸ Zev Levi yaŋka: zeŋvit mə Libniɗe, zeŋvit mə Hebronɗe, zeŋvit mə Maliɗe, zeŋvit mə Musiɗe, zeŋvit mə Koreyɗe. Kehat duwa Amram.

⁵⁹ Iya nat ga Amram na, Yokebed wətən Levi məs arah dət ɗak nan a Eziptə. En tuwə sən Amram na: Aron, Moyis, gəm Miryam milmit muguluŋguta.

⁶⁰ Kirtin Aron yeŋki, Nadab, Abihu, Ele'azar gəm Itamar.

⁶¹ Nadab də Abihu amtaŋka, vi azaɓaŋgək-Maŋgəlva sən Yawe aka offo an ɗarə.

⁶² Gərak net mə leviɗe agəɗək 23 000 an məŋɗeti mə leviɗe mezeŋgleket beymet, təŋ səza təla taka. Vaski, net məverti sap dit mə Israyelɗe ɓa, vi mipsiti hara dələv net a weleŋgit mə Israyelɗe ɓa.

Əbay ma əvere

⁶³ Eskiŋ en may Moyis də məsdələv Ele'azar avereŋ gala avernin mə Israyelɗe a təki məpəlayya na Mo'ab a ma məlpa na Yurden dakadaka də Yeriko.

⁶⁴ Eretis na, ɗəf mizilin tay dəmbər təttaka əmpa səret en Moyis aver də məsdələv Aron gala aɗɗanən əver net mə Israyelɗe a kapta-muyã na Sinay ɓa.

⁶⁵ Vi Yawe anah sitik na wamtaŋ a kapta-muyã; vas vani, tay dəmbər təttaka an Kaleb, wətən Yefunne də Yosuwa wətən Nun əŋgə ɓa ɓa.