Əgilye 31 - Bible en Guidar

Məɗɗaŋ wəza naddəv gəla na Maŋgəlva

¹ Yawe apel sənənək Moyis, amna:

² «Awle niyak Besalel wətən Uri, wətən Hur zev Yuda də iya nani.

³ Nəknəhək də əmpəs na Maŋgəlva vi dərahgən maɗɗula, hənhən, wəsəna gəm əsən əɗɗa zəga pakə.

⁴ Kaɗɗumon an naɗɗa də meleŋge, də təbəz babara gəm də təbəz pepreŋge.

⁵ Əslmet gərmeŋɗe nawtipe, əntar wəleŋɗe vi kaɗɗa wəza awandi pakə

⁶ Yaŋ naw nəɗi Oholiyab, wətən Ahisamak zev Dan a maŋgavani, nəɗiyək maɗɗula a təki məs maɗɗula pak dəɗɗanəngən an nəɗi suk wən nan pakə.

⁷ Gizlirke nalma də Maŋgəlva, akoti na miziwe gəm man nakani dit zəgeɗ na gizlirke beymeti.

⁸ Tabəl dit zəgeɗ nani, lalam salala dit zəgeɗ nan pakə, təki nawzaɓ-Maŋgəlva nawzla tursan.

⁹ Təki nawzaɓ-Maŋgəlva naɗɗa əvəl nawzla kurmbuɗuk dit zəgeɗ nan pakə, ŋgefleŋ də zəga nawɗiyən akani.

¹⁰ Gəm lukutɗe na mahenziŋ, enet lukutɗe salala na məsdələv Aron dit lukutɗe net kirtin naɗɗa wəza na məsdəlva.

¹¹ Mẽl nappay na mahenziŋ, tursan nawzla na gəla na Maŋgəlva, va nəɗi suk wən nan pak adaɗɗanəni.»

Wəgagdakan pay naffete

¹² Yawe apel sənənək Moyis, amna:

¹³ «Nok apel sit məs Israyelɗe də wənah na, an dəday pak na: pay naffet naw kədarmaŋgə, vi ndəni zəga narba a walaŋgu də munokum, viyit kirtukum, vi kawsənən na intə Yawe məs dəwelkum.

¹⁴ Kərmanəngən pay naffete, vi salala yi vikum, məs dəzlzlaɓani kawbayni yi zamə, vi ɗəf an dəgəɗ wəza pay nani, asna ɗəf nan kawgilgini səra vanday net ɗiy nani.

¹⁵ Pay sləre naɗɗa wəza, pay mabuhuloni, pay naffeti yi, pay naffet salala na Yawe yi, ɗəf an dəgəɗ wəza pay naffet pak, kawbayni zamə.

¹⁶ Mə Israyelɗe dərmanəngən pay naffete, kaɗɗa pay naffet ka wənmiyna sit kirtit hã faɗə.

¹⁷ Dəsan zəga narba a walaŋgu dit mə Israyelɗe ka faɗə, vi Yawe aɗɗak disiŋ də dəlvafuŋ addəv pay sləre, pay mabuhuloni, affetke gəm ampəska.»

¹⁸ Adan agrak əpel də Moyis aka mossorgo na Sinay, apsənək kalaɓɗe narban wənmiyna sula, kalaɓɗe na gərəm məverit də pərəm va Maŋgəlva.