3Yohanna 1 - Bible en Guidar

Ətoŋ addəvən ( 1-4 ) Əsɗa

¹ In ɗəf məsɓan, sən Gayus baynaw na makrawa, məs nəŋgəl də gegesiŋ.

² Baynaw na makrawa, nəŋgəl na zəga pak dədaw ammboko gəm kəsokgən də zay na gəɓa zuko, va Zeŋgilok asan zayə.

³ Vi zu annekək diyɗa səza milmiŋgiɗəm azzoŋgu, apeleŋgik aka va kəsok addəv gegesiŋ gəm va kədawdaw addəv gegesiŋ.

⁴ Wən tay nannek zu day ki əprəm na kirtu tahəŋ ədaw addəv gegesiŋ ɓa.

Məɗini ki Gayus ( 5-8 ) Moggon na Gayus

⁵ Baynaw na makrawa, zəga moggon kədaɗɗa kədabbah sit milmiŋgiɗmə gəm en melekeɗ daydayəŋka.

⁶ Apelinək wən na əŋgla nok aba əsap net məzutafaŋgə. Wasan moggoni an kəpsitik an wəray net asan azan na malaka net va an dəslə aza Maŋgəlva.

⁷ Vi aka iya na Kristu agilyoŋ malaka, zəga tay atafaŋ səvet ɗiy-ɗar ɓa.

⁸ Nam kan na, adahək məbbah sitgin ɗiy en veski, vi məsapgən dənɗaŋ addəv ərban gegesiŋ.

Mətawni wən aka Diyotrefes ( 9-10 ) Diyotrefes də Demetriyus

⁹ Nəverik wən duɗukko sən əsap net məzutafaŋgə, ya Diyotrefes məs dəŋgəl əsan daya net dətafəm ɓa.

¹⁰ Vi vaski an nədeke, wanərban wəza nan məs agəɗ pakə, də əpel mbərayən məs adawpel, akamə. As pak dənnek zən ɓa ndən əɓoŋ dawtef milmiŋgiɗim en melekeɗi, ɗiy en dədaŋglaŋ ətefti ndən ətekti gəm ərɓehet səddəv Gəla na Maŋgəlva.

Əsəɓ sən Demetriyus ( 11-12 )

¹¹ Baynaw na makrawa, kədasɗeken mambray ɓa, asɗeken moggoni dərəŋgə. Ɗəf məgəɗ moggoni səza Maŋgəlva yi, ya məzəɗɗa mambraya, awla Maŋgəlva ɓa.

¹² Na Demetriyus, ɗiy pak tahəŋ əpeleŋ moggon akani. Gegesiŋ kpak tay əpel akani, nam pak mənam tat əpel moggon akani, kəsənka an məs mədawpel pak gesiŋgi.

Əgrakən ( 13-15 ) Əsɗa an bayma faɗə

¹³ In tat də wən diyɗa nawver suk kəta ya nədaŋgla əver suk də iŋkile nawvere mãy də zəga nawver ɓa.

¹⁴ In tat əɗɗum abeŋ na wanəmbat uluko, aməpel maw də moko.

¹⁵ Asok zayə. Bayneŋgiɗuk asɗokunko. Asɗet bayneŋgiɗəm nesiŋ taka taka pakə.