2Tesaloniki 1 - Bible en Guidar

Ətoŋ addəvən ( 1:1-2 ) Əsɗa

¹ Səza Pol də Silas gəm Timote, sən əsap net məzutafaŋ na Tesaloniki məs dəssoŋ ɗiy na Maŋgəlva Afəmə də Daya Yesu Kristu:

² Mbəlembəle gem zazay na Maŋgəlva Afəmə gəm na Daya Yesu Kristu dəsan akokum.

Əkkama gəm əɗi wəna ( 1:3-12 ) Ətawwən məɗiyən ammba pay na əzza na Kristu

³ Pay pak mənam tat əɗɗa soko sən Maŋgəlva aka wən nokum milmiŋgiɗwa, aslək vaska, vi ətaf nokum tay əɓay sawɓa gəm əŋgla na naway di pak a walaŋ zukum tay əɓaya.

⁴ Vini mədannek aka wən nokum addəv əsap net ɗiy na Maŋgəlva, aka wən na əsok zukum gəm aka wən na ətaf nokum addəv əsərma gəm əzəm sahã nokum an kədawɓəsaŋ pakə.

⁵ Ndəni dərban təstəs na ətawwən na Maŋgəlva, vi kəssoŋgən ɗiy dəslaŋ nawtoŋ məlĩ na Maŋgəlva məs kədawzəmaŋ sahã vini.

⁶ Vi Maŋgəlva təstəsi, wamndan sit harat huloŋguk sit məs dədawsərən mokum gəm dədawzəmgukumən sahã.

⁷ Ya munokum məs məsər mokum na, wapsukum əffet sap də mənamə pay Daya Yesu adarban zən əzzan sə disiŋ dit maslayɗe na gagdak nani.

⁸ Də offo nzilimnzilim adazzan əfaɗ sit ɗiy məs dəsənən Maŋgəlva ɓa gəm məs dəzbanən Alabara Nenek na Daya nam Yesu ɓa.

⁹ Əzga' an adawrahaŋ na, əza hã faɗi, faraɗa sə ma hara Daya gəm faraɗa səza gagdak na gbogboŋ nani,

¹⁰ pay adazzan vi kawgagdakan a walaŋgit ɗiy nan salala pakə gəm kawɗi kiyən a walaŋgit en dətafaŋ pakə. Vi kətafənək əpel namə, aka pay mərban sukum vanəska.

¹¹ Vi vaski mədakkam ɗayɗay vikum, vi Maŋgəlva nam dulukumgən va ɗiy məs dədahaŋ aza əya məs ayukum. Dəpsukumgən əŋgla naɗɗa moggoni, ətaf nokum dəsangən ɓəlɓələ.

¹² Vi iya na Daya nam Yesu dəgagdak addəvkum, nokum tam addəvni, va aza mbəlembəle na Maŋgəlva namə də Daya Yesu Kristu.