2Piyer 1 - Bible en Guidar

Ətoŋ addəvən ( 1:1-2 ) Əsɗa

¹ Simeyoŋ Piyer balam gəm maslən na Yesu Kristu, sit ɗiy məs də ətaf məstaka də mənam addəv təstəs na Maŋgəlva namə gəm na Məzukõhgəm Yesu Kristu.

² Mbəlembəle gəm zazay dənzləraŋ sukumən də əsən Maŋgəlva gəm Yesu Daya namə.

Əye məzutafaŋgə ( 1:3-21 ) Iya gəm uwel na Maŋgəlva

³ Əɓap na Maŋgəlva apsəmək zəga pak vi məsamgən addəv zeŋgile gəm geslne' sən Maŋgəlva də ərban səm məs dəyəm də gagdak nani gəm gbogboŋ nani.

⁴ Də aski apsim iynamaɗe en na sləma diyɗa gugriɗe vi kəkõhoŋgən səddəv əŋgəna na əsim zəga naka dəlvəŋka gəm kətoŋgoŋgən addəv kpak na Maŋgəlva.

⁵ Sən aski kana, məsok zukum, məsapan ətaf nokum aza gbogboŋgo, gbogboŋ tam aza əsəna,

⁶ əsən tamə aza ərma zə ɗəfa, ərma zə ɗəf tamə aza əsok zə ɗəfa, əsok zə ɗəf tamə aza geslne sən Maŋgəlva,

⁷ geslne sən Maŋgəlva tamə aza əŋgla na məlma, əŋgla na məlma tamə aza əŋgla.

⁸ An zəgeɗis tahəŋ azokum diyɗa, kəssoŋ na məza əɗɗa wəza gəm məza ətər wəray aza əsən Daya nam Yesu Kristu ɓa ɓa.

⁹ Vi an zəgeɗis tahəŋ aza ɗəf ɓa, daŋgari, awla faraɗa ɓa, azgətək ki məskoɓ sin mambrayɗe nan lahəŋka.

¹⁰ Vi wənəski milmiŋgiɗwa məsok zukum məssoŋ ɓəlɓəl aka iya an məyukum gəm uwel an məwelkum. Vi an kəɗɗaŋgək vas na asna sessel kəzbəraŋ na ɓa.

¹¹ Vi vaski tive nawtoŋ addəv məlĩ an faɗ na Daya nam gəm na Məzukõhgəm Yesu Kristu adawsan sukum viŋgi.

¹² Sən aski nədaɗɗumon sukum wən net zəgeɗis pay pakə, də kəsinnin pakə gəm kəssoŋ ɓəlɓəl addəv gegesiŋ kakaŋkəŋka.

¹³ Ya nəɗɗumonək na təsi, an in tat addəv gəɓa zuwəŋka, wanəfɗahokum də əɗɗumon sukum.

¹⁴ Nəsənka, pay nawgəm gəɓa zuwəŋ go'oy, va Daya nam Yesu Kristu arban su appaka ta'ə.

¹⁵ Ya wanəsok zu əzga sləma, dərɓaga əmbat naw zlaŋ na kuɗɗumetiŋgin zəgeɗiski.

Ɗiy en dulanən gagdak na Kristu

¹⁶ Vi məziw aka mamba məhewin net ɗiy karban sukum əɓap na Daya nam Yesu Kristu gəm pay nazza nan ɓa, mulak memetiŋ nan də haramə.

¹⁷ Vi arahək əɗikiya gəm gagdak səza Maŋgəlva Afəni. Maŋgəlva afən gagdak apel sənək dawnəh na: Aŋki Wətu an nəŋgələ, in tat ənneken zu dəndən sawɓa.

¹⁸ Mənam sən kiyəm məprəmək əpel məs dəde sə disiŋ vanəska, aka mədawsam dəndən aka mossorgo metiŋ salala.

¹⁹ Ya məziwik ɓəlɓəl aka əpel net məskəleŋɗe. Moggon kədaɗɗaŋ də əzga sləma akani, vi tay va lalam məzukasak a təki məs guzli asan hã gap aza ədaŋ təkiya gəm baŋgay naba pummo dəkasakgən a makrokum.

²⁰ Məsən daabəŋ na: Ɗəf tay də əɗɗum nan sən kiyən nawɓap əboton kleŋ naddəv Əver ɓa.

²¹ Vi kleŋ dəde ɗah səza əŋgla na ɗəf ɓa, Zeŋgile Salalay dədawkol met ɗiy dəpelingən an Maŋgəlva anah siti.