1Timote 2 - Bible en Guidar

Əyak aka əkkama

¹ Dabəŋ kan na, in tat əɗi sukum wən nani, məssõhu, məkkamə, məɓuh mokum gəm məgəɗ soko viyit ɗiy pakə,

² viyit məlyeŋge dit deyeɗe vi məsamgən addəv zazay fendeŋ, də geslne na Maŋgəlva gəm də əɗikiya.

³ Aski lew gəm nek aza Maŋgəlva, məkõhgəmə,

⁴ məs dəŋgəl na ɗiy pak dəkõhoŋgəni, dərəhaŋgən əsən gegesiŋ.

⁵ Vi Maŋgəlva taka yi kaka'ə, metive pak taka yi kaka' a walaŋ Maŋgəlva dit ɗiyi, ɗəf adawyaŋ na, Yesu Kristu,

⁶ məs dəppan kizən ka zəga nawmet ɗiy pakə. Aski əpel məs dərbə də pay məs məziwgini.

⁷ Vini nəsaw mərbəwəna gəm maslən, gesiŋ nədawnaha wən nədawa ɓa, vi karban ətafa gəm gegesiŋ sit ɗiy-ɗarə.

⁸ Nəŋgəl kan na, a təki pak ɗiy mezeŋleket dəkkamaŋ də əslan vet salala a disiŋ, məza də ədagədəv ɓa, məza də əgay ɓa.

⁹ Gil tamə, dəguloŋ lukut məs dəslə, də maɗɗuleti, dit wili. Adawzaɓanən zit də wətroɗ kiya na sləma, də meleŋge awaniɓa dit everzleɗ na sləma mãy lukut na arya ɓa.

¹⁰ Ya də əɗɗa məs dəslə azet gil məgeslne'eŋ sənən Maŋgəlva dəndən wəza moggon.

¹¹ Gil dəyaganən zəga də ɓatɓatə də əvoŋgən kiyit gərakə.

¹² Nəpsət tive sət guluk tərbəgən wəna, awaniɓa təsatgən də gagdak aka ɗəf mizilin ɓa, təsat ɓatɓatə.

¹³ Vi, Adam iyi məzəməɗən daabəŋ siske na Hawwa.

¹⁴ Ya Adam iyi mərakan ɓa, guluk mərakata, təkkaɗ ki mahenziŋ.

¹⁵ Ya watəkõh də tive na uwa kirni, an tat addəv ətafa, əŋgla gəm əssa salala də maɗɗula.