1Tesaloniki 1 - Bible en Guidar

Ətoŋ addəvən ( 1:1 ) Əsɗa

¹ Səzet mãy Pol də Silas gəm Timote, sən əsap net məzutafaŋ Maŋgəlva Afən Daya nam Yesu Kristu a Tesaloniki. Mbəlembəle də zazay dəsan akokum.

Əɗɗa soko gəm efete ( 1:2—3:13 ) Ənziya gəm ətaf net mə Tesalonikiɗe

² Pay pak mənam tat əsokon Maŋgəlva aka wən nokum pakgukum, addəv əkkam namə, mappan vikum ɓa.

³ Mənam tat əɗɗumon wəza nawtaf nokum aba Maŋgəlva Afəmə, də əŋgla nokum də əsok zukum əga məs dəde səm səza Daya nam Yesu Kristu.

⁴ Məsənək na milmiŋgiɗwa, Maŋgəlva aŋglukumko, awelkumko.

⁵ Vi Alabara Nenek məs məpel sukuməŋka, dəgap azokum də əpel kaka ɓa, ya də əɓapa, də Zeŋgile Salala gəm də gegesiŋ an ɓəlɓəli. Kəsənənək va məsam a waloŋkum, vi moggon nokumi.

⁶ Nokum, kəgəmənək təlmə də an na Daya, adan kətafən əpel na Maŋgəlva addəv tatwãh metiŋgin də ənnek dəde səza Zeŋgile Salala.

⁷ Hã kəkkpaŋgaŋgək va zəga narban ədaw abet məzutafaŋ na Makedoniya də Akaya pakə.

⁸ Vi səzokumi əpel na Daya appasə a Makedoniya də Akaya yi kaka ɓa, ya alabara na ətaf nokum məs kətafəŋ Maŋgəlva abbalək təki pakə, wəray tay məpelgən wən nan ɓa.

⁹ Vi ndəɗaŋ sən kiti apelinik wən nam va kətafməni, va kəkkpaŋgaŋ aza Maŋgəlva də əppet zəgeɗkamaŋgəlva, vi kawgəɗ sən wəza sən Maŋgəlva madaran gəm an gegesiŋ,

¹⁰ vi kawga Wətən sə disiŋ, ndəni Yesu məs asilgən səret ɗiy mimtiti, ndən dədawkõhgəm səma ədagədəv na Maŋgəlva məs dədazzani.