1Milyeŋge 4 - Bible en Guidar

Salomoŋ azaɓanək məlĩ nani

¹ Məlĩ Salomoŋ asanək aka Israyel dəwənani.

² Deyeɗe naka wəza nan yeŋki: məsdələv Azariya, wətən Sadok;

³ Elihoref də Ahiyya kirtin Sisa məzuvereŋgi; Yosafat, wətən Ahilud, məgə memeŋgle na məlyã;

⁴ daya net məzəlpaŋ na, Benaya, wətən Yoyada; məsdəlveŋge, Sadok də Abiyatar;

⁵ Azariya, wətən Natan, daya na bərzləŋna-kivadələva; Zabut, wətən Natan, məsdəlvi bayna məlyã;

⁶ Ahisar, daya naka gəla na məlyã gəm Adoniram, wətən Abda, daya aket wəzeɗe na vavyakə.

⁷ Salomoŋ tay dit deyeɗe na bərzləŋna-kivadələv kəlaw kiyit sula aka dələv na Israyel dəwənnani, tahəŋ əkiyaŋ wəzəm sən məlĩ də gəla nani, aza təla taka pak daya na bərzləŋna-kivadələv taka nawki əzəma.

⁸ Iya net yaŋka: Wətən Hur, naka gərəm na Efrayim;

⁹ wətən Deker, a Makas, a Sa'albim, a Betsemes, gəm a Elon-Bet-Hanan;

¹⁰ wətən Hesed, a Arubbot; ndəni naka va na Soko, də dələv na Hefer pakə;

¹¹ wətən Abinadab, ndəni naka dələv na weleŋgit mossorgoɗe na Dor pakə. Akaytək Tafat, wətən məlĩ Salomoŋ ka goni.

¹² Ba'ana, wətən Ahilud, aket: Ta'anak, Megiddo, də Bet-Seyan na maŋgava Sartan, dohoŋ ki Yizrel, sə Bet-Seyan gap a Abel-Mehola, gap balsən Yokmo'am.

¹³ Wətən Geber, ndəni aka Ramot na Galad; tay dit walaŋgəleɗe na biyən a Yayir, wətən Manase a Galad; va na Argob na Basan nani yi: walaŋgəleɗe gugriɗ gugriɗ kaklaw sləre, mətərwəslit də zlava, də təbəz pepreŋ nawkəɗəsl maddameɗe nani.

¹⁴ Ahinadab, wətən Iddo a Mahanayim;

¹⁵ Ahima'as, a Neftali nan pak agəmtək Basmat, wətən Salomoŋ ka goni.

¹⁶ Ba'ana wətən Husay aka dələv na Aser də an na Be'alot;

¹⁷ Yosafat, wətən Paruwah, aka va na Isakar;

¹⁸ Simey, wətən Ela, aka va na Benyamin;

¹⁹ Geber, wətən Uri, aka dələv na Galad, dələv na Sihon, məlĩ net Mə Amorɗe, gəm Og məlĩ na Basan; daya na bərzləŋna-kivadələv tay lahəŋ aka dələv vani.

²⁰ Yuda də Israyel diyɗaŋ va hoyoŋko a məlpa. Əzəm tay də əsa pak va mekret aŋgələ, zit neki.