1Korintus 8 - Bible en Guidar

Məkristuɗe gəm ənziya ɗarə ( 8:1—11:1 ) Sluw na əzaɓ-maŋgəlva sit zəgeɗkamaŋgəlva

¹ Dəwəlsən slu na əzaɓ-maŋgəlva sit zəgeɗkamaŋgəlva, məsənək na: Mənam pak məsənək zəga. Əsən wagul ɗəf addəv əkaɓa ya əŋgla wasɓan ɗəfa.

² An ɗəf tay də əɗɗum na asənək zəga na, asna nan dəsən zəga va dəslə nawsənən ɓa.

³ Ya an ɗəf aŋgluwək Maŋgəlva na, asna Maŋgəlva asənəka.

⁴ Ya dəwəlsən əzəm slu na əzaɓ-maŋgəlva sit zəgeɗkamaŋgəlva na, məsənka zəgakamaŋgəlva tay təttaka aka dələv ɓa, Maŋgəlva tay maɓɓan abbər ki təttaka kaka' ɓa.

⁵ Ya an meŋgilveɗ meɓɓet tahəŋ a disiŋ awaniɓa aka dəlvafuŋ, asna, meŋgilveɗ dit deyeɗe tahəŋ diyɗa.

⁶ Ya nam na, Maŋgəlva taka kaka məsənə, Afən məs dəɗɗa zəga pakə, azani mədaddamə. Daya taka yi ndəni Yesu Kristu. Dəndəni zəga pak asani, dəndəni məsamə.

⁷ Ya ɗiy pak tahəŋ də əsənəs ɓa. Vi ɗiy meɓɓet asərəkaŋgək də wən na zəgeɗkamaŋgəlva. An azəmənək slu nani, tahəŋ ulanən va slu na əzaɓ-maŋgəlva va məpsən sən zəgakamaŋgəlva gesiŋ. Vi əɗɗum na mekret məddakəni wageslne'eti, tay əzəməni, adan maɗɗulet addakka, arnokko.

⁸ Ya zəga nawzəmi naddergəm aba Maŋgəlva ɓa. An məzəm ɓa, tay dərreh səm ɓa, an məzəmka, tay mərah day ki lahəŋ ɓa.

⁹ Ya məzi zukum, vi kikum məs kərahaŋgəŋ adawsaŋ zəga nazbərgit ɗiy məddekit ɓa.

¹⁰ Vi an muluki is məs əsən nak əzəm addəv gəla na zəgakamaŋgəlva, aɗɗa na ɗəf məs əɗɗum nan məddakən nak dəlgən əzəm slu na əzaɓ-maŋgəlva sən tuya ɓa sa?

¹¹ Ɗəf məddakən nak wazə vi əsən noko, məlmuk məs Kristu amtə viyən naka.

¹² Də əɗɗa mambray vas azet milmiŋgiɗkum, gəm də əzlzlaɓa əɗɗum net məs dəsan məddakənəŋ na, aka Kristu kədaɗɗaŋ mambraya.

¹³ Vi vaski an zəga nawzəm waɓap əzbərgən məlmu na, nəzəm na slu kpak ɓa hã faɗə. Vi nədazbərgən məlmu ɓa.