1Alabaraɗe Də Mabərkiziti 9 - Bible en Guidar

¹ Mə Israyelɗe pak məŋɗeti, yeŋ məverit addəv ɗerewel net milyeŋge na Israyel. En na Yuda na, məsimgiti a Babilon, vi araygənən mahenziŋ na Maŋgəlva.

Ɗiy na Yerusalem

² Ɗiy en dəmilyoŋ daabəŋ aka dələv net a walaŋgəleɗe gugriɗ net na, ndəɗaŋgə: Israyelɗe, məsdəlveŋge, mə Leviɗe, məɗɗaŋ wəza addəv Gəla na Maŋgəlva.

³ Ɗiy en dəzzoŋ əssoŋ a Yerusalem na, mə Yudeɗ səzeti, mə Benyaminɗe səzeti, mə Efrayimɗe gəm kirtin Manase səzeti.

⁴ Səddəv mahəlfa na Yuda na, Utay, wətən Ammihut, Ammihut wətən Omri, dəhən Imri, wətən wətən Bani, səddəv mahəlfa na Peres.

⁵ Sə weleŋgit kirtin Ha-Siloni na: Asaya, Tizi nan dit kirtini;

⁶ sə weleŋgit kirtin Zera: Yewwel. Dit milmiŋgiɗti: aɗɗaŋgək səkat sləre də kaklaw vaytakə.

⁷ Sə weleŋgit kirtin Benyamin: Sallu, wətən Mesullam, dəhən Hodawya na Ha-Senuwa;

⁸ Yibneya wətən Yeroham, Ela, wətən Uzzi na Mikri; Mesullam wətən Sefatya na Rewwel, wətən wətən Yibniya.

⁹ Sap dit milmiŋgiɗti, va mazlalwẽt asani: tahəŋ səkat vaytak də kaklaw sle' kiyit sləre. Ɗiyis pak migil gəlaŋ addəv məlma neti.

¹⁰ Sə weleŋgit məsdəlveŋge: Yedaya, Yoyarib, Yakin,

¹¹ Azariya, wətən Hilkiya, wətən Mesullam, wətən Sadok, wətən Merayot, wətən Ahitub, daya addəv Gəla na Maŋgəlva;

¹² Adaya wətən Yeroham na Pasehur wətən Malkiya; gəm Masay wətən Adiyel, wətən Yahzera, wətən Mesullam, wətən Mesillemit gəm wətən Immer.

¹³ Dit milmiŋgiɗit migil gəla neti: tahəŋ gabal də səkat buhul də kaklaw sləre, zel təstəsəŋ naɗɗa wəza addəv Gəla na Maŋgəlva.

¹⁴ Sə weleŋgit mə Leviɗe: Semaya, wətən Hasub na Azrikam wətən Hasabiya, səza mazlalwã na Merari;

¹⁵ Bakbakar, Heres, Galal, gəm Mataniya, kirtin Mika wətən Zikri, wətən Asafə;

¹⁶ gəm Obadya wətən Semaya, wətən Galal wətən Yedutun, dərɓaga asna, Berekiya wətən Asa, wətən Elkana, ndəɗaŋ dəssoŋ a walaŋgəleɗe net mə Netofatɗe.

¹⁷ Məgaŋ maddamba: Sallum, Akkub, Talmon, Ahiman, gəm milmiŋgiɗti. Sallum yi daya neti.

¹⁸ Ndəɗaŋgə hã kakaŋ pak məgaŋ maddamba na məlĩ dəmmba pay nampum, ndəɗaŋgə məgaŋ maddambeɗe net dibirgidikɗe net kirtin Levi.

¹⁹ Sallum, wətən Kore na Ebiyasaf, wətən wətən Kore, dit milmiŋgiɗin na gogo' mə Koreyɗe, ndəɗaŋgə aka wəza nawga maddamba na gizlirke nalma də Maŋgəlva; efiŋgiɗit dədawganən mative na dibirgidik na Yawe lahəŋka.

²⁰ Pinhas, wətən Ele'azari yi daya net lahəŋka; Yawe tay dəndəni.

²¹ Zakarya, wətən Meselemya nan pak məga na mative na gizlirke nalma də Maŋgəlva yi.

²² Ndəɗaŋ məwelit ka məgaŋ maddambeɗe tahəŋ səkat sula də kəlaw kiyit sula va məŋɗet sə walaŋgəleɗe neti. May Davit də Samiyel məzula dəɗinin aka wəza net sən təstəs neti.

²³ Ndəɗaŋ dit kirtit məɗiyit a təki nawga maddambeɗe na Gəla na Yawe, va wənəh na, Gəla na gizlirke.

²⁴ Məzugaŋ də tapaslay pay poɗo pak məziyti: dəmmba pay nampum, dəmmba pay na moskoyo, də gazga gəm də mbana.

²⁵ Milmiŋgiɗit na walaŋgəleɗe net əzzoŋ əɗɗa lumu taka dindit paytak paytakə;

²⁶ vasna deyeɗe net məgaŋ maddamba poɗeŋ na, net tahəŋ adak pay pakə. Mə Leviɗeŋ məɗi aket giziŋɗe gəm aket zəgeɗ məzeɓet naddəv gəla na Maŋgəlva.

²⁷ Tərwəsl kigəla na Maŋgəlva adawvoŋgoŋgu, məɗiyit vi kawgan gəm kawkol man dəmpummo pakə.

²⁸ Ɗiy meɓɓet səret, məɗiyit aket zəgeɗ nawgagdakan Maŋgəlva yi, dəŋɗetingin dawtoŋgiti gəm dawgilgiti.

²⁹ Ɗiy meɓɓet, məɗiyit nazga sləma aket mesteɓeɗi, daysa nan na, azet en məpsən Maŋgəlva, gəpa kukuɗo, mbazla, mẽlẽ, telembe, gəm tursan.

³⁰ Kirtit məsdəlveŋgeŋ dədawslehẽtin tursanɗe.

³¹ Mə Levi tay, iya nan Mattatiya, tizi na Sallum, səddəv mazlalwã na Kore, səni məpsən wəza nawda gato pay pakə.

³² Səret mə Kehatɗe, milmiŋgiɗit meɓɓet məpsit wəza nawda peŋ napsən Maŋgəlva, va pay naffet amə' pakə.

³³ Migil gəla miyaŋ gəlya mə leviɗe, net məɗiyit addəvit giziŋɗe; wəza maɓɓan tay Adawrəŋgənən ɓa, vi dəfəɗ də kapay pak tahəŋ aka wəza neti.

³⁴ Eŋkiŋ migil gəla net mə leviɗe, naway pak daya addəv mazlalwãni. A Yerusalem assoŋ də gəla.

Gəla na Sawlu

³⁵ En dəɗinən Gabawən, a Gabawən assoŋ də gəla'e, Ye'iyel məs iya nat gon na Ma'aka,

³⁶ iya na tizi nan na, Abdon, Sur, Kis, Ba'al, Ner, Nadab,

³⁷ Gedor, Ahyo, Zakarya, Miklot.

³⁸ Miklot duwa Sime'am. Net pak va net milmiŋgiɗit assoŋ a Yerusalem dit milmiŋgiɗti.

³⁹ Ner duwa Kis, Kis duwa Sawlu, Sawlu dəwe may Yonatan, Malki-Suwa, Abinadab gəm Esba'al.

⁴⁰ Wətən Yonatan na, ndəni Meriba'al, Meriba'al duwa Mika.

⁴¹ Kirtin Mika na: Pitoŋ, Melek, gəm Tare'a.

⁴² Ahaz duwa Ya'era; Ya'era duwe may Alemet, Azmawet gəm Zimri; Zimri duwa Mosa;

⁴³ Mosa duwa Bine'a, afən Refaya, Refaya afən Ele'asa, Ele'asa afən Asel.

⁴⁴ Asel awək kirin mezeŋglet sləre, iya net yaŋka: Azrikam, Bokru, Ismayel, Se'arya, Obadya, gəm Hanan. Ndəɗaŋgə kirtin Asel.