1Alabaraɗe Də Mabərkiziti 5 - Bible en Guidar

Zev Ruben

¹ Kirtin Ruben magazi na Israyel, adan arnokon zəga nawvoŋ na afəni, məgəmni daya nani, məpsit kirtin Yosef, wətən Israyel; məŋɗani va daya ɓa.

² Vi Yuda yi gboŋgboŋ sə weleŋgit milmiŋgiɗin, məlĩ səza mazlalwãn agili, Ya daya hara na, na Yosefi.

³ Kirtin Ruben tiz na Israyel: Hanok, Pallu, Hesron gəm Karmi.

⁴ Kirtin Yo'el: Yo'el duwa Semaya, Semaya duwa Gog, Gog duwa Simey,

⁵ Simey duwa Mika, Mika duwa Re'aya, Re'aya duwa Ba'al,

⁶ Ba'al duwa Be'era məs Tilgat-Pilneser, məlĩ na Asimgini. Asiri, ndəni məlĩ net mə Rubenɗe.

⁷ Milmiŋgiɗin məŋɗet va uwa neti: daabəŋ na, Ye'iyel siske Zakarya,

⁸ Bela wətən Azaz, wətən Sema, wətən Yo'el; a Arower asan də gəla, hã gap a Nebo gəm a Ba'al-Me'on.

⁹ Dəmmba pay nampum assoŋ də gəla, hã nawtoŋ a kapta-muyã təŋ səma məlpa na Efrat, vi zəgeɗ memeyẽɗ net diyɗaŋ aka dələv na Galad.

¹⁰ Gala pay na Sawlu na, agayaŋgək dit mə Hagriɗe askanən wəleti; ndəni assoŋ addəvit gizlirkeɗe net aka dələv nammba pay nampum na Galad pak təhə.

Zev Gad

¹¹ Kirtin Gad assoŋ abet də gəla aka dələv na Basan hã gap a Salka:

¹² mahəlfa daabəŋ na Yo'el, Safan masulani, Ya'enay, də Safat, a Basan.

¹³ Milmiŋgiɗit va daŋgla net asani: Mika'el, Mesullam, Seba, Yoray, Ya'ekan, Ziya, gəm Eber: sap buhulu.

¹⁴ Eŋkiŋ kirtin Abihayil wətən Huri, wətən Yaro'a, wətən Galad, wətən Mika'el, wətən Yesisay, wətən Yado, wətən Buz.

¹⁵ Ahi wətən Abdiyel wətən Guni yi, daya na məlma neti.

¹⁶ Assoŋguk də gəla a Galad, a Basan, də kiyva nani, a təki nawtaɗ a Saron, hã aket meŋgeɗe net pakə.

¹⁷ Ndəɗaŋ pak məŋɗeti aka pay na Yotam məlĩ na Yuda, gəm aka pay na Yerobo'am məlĩ na Israyel.

¹⁸ Kirtin Ruben, dit mə Gadɗe gəm pəɗak net kirtin Manase tahəŋ aret ɗiy məs mekret məslaŋ baray də masalam nawgaya, məhõnən bəle, məɓapaŋ wəgaya, ɗiy gabal kaklaw poɗo kiyit poɗo də səkat buhul də kaklaw sləre dəyakaŋ əgaya.

¹⁹ Agayaŋgək dit mə Hagriɗe ɗiy na Yetur, na Nafis gəm na Nodab.

²⁰ Arahaŋgək wəbbaha, mə Hagriɗe abətaŋgək ammba veti, dit en dənɗaŋ pakə, vi pay əgayəs na, akkamanənək Maŋgəlva, aprəm sitike, vi aɗiyənən əɗɗum net akani.

²¹ Almetinik zəgeɗ memeyẽɗ neti: zlogomeɗ gabal kaklaw sle'i, gilew gabal səkat sula də kaklaw sle'i, korɗe gabal sula, ɗiy gabal səkatə.

²² Ɗiy amtaŋgək diyɗa, vi əgay van səza Maŋgəlva ade. Assoŋguk a gəlet hã gap pay nawsimgit gapə.

Zev Manase en dəgar ki Yurden

²³ Pəɗak na mahəlfa na Manase aka dələv vanəs assoŋ də gəla, təŋ sə Basan hã gap a Ba'al-Hermon, a Senir gəm aka gərəm na Hermon. Diyɗaŋgə.

²⁴ Deyeɗe na daŋgla net yeŋki: Efer, Isey, Eliyel, Aziriyel, Yirmeya, Hodawya gəm Yadiyel. Ɗiy gboŋgboŋ məs mekreti, məs sləmet digili, deyeɗe na məlma na zitiŋ.

²⁵ Dəzbanən Maŋgəlva net efiŋgiɗit ɓa, azbetinik meŋgilveɗ net ɗiy naka dələv en Yawe azet səbeti.

²⁶ Yaŋ Maŋgəlva na Israyel, asilgən maɗɗula Pul, məlĩ na Asiri, də maɗɗula Tilgat-Pilneser, məlĩ na Asiri, andek mə Rubenɗe, mə Gadɗe, də pəɗak na mahəlfa na Manase asimgit a Hala, a Habor, a Hara, gəm a ma məlpa metiŋ na Gozan, hã dəpaŋka.

Mahəlfa na Levi: deyeɗe net məsdəlveŋge

²⁷ Kirtin Levi: Gerson, Kehat də Merari.

²⁸ Kirtin Kehat, Amram, Yisehar, Hebron, gəm Uzziyel.

²⁹ Kirtin Amram: Aron, Moyis, dət Miryam. Kirtin Aron: Nadab, Abihu, Ele'azar, gəm Itamar.

³⁰ Ele'azar duwa Pinhas; Pinhas duwa Abisuwa;

³¹ Abisuwa duwa Bukki; Bukki duwa Uzzi;

³² Uzzi duwa Zeraya; Zeraya duwa Merayot;

³³ Merayot duwa Amarya; Amarya duwa Ahitub;

³⁴ Ahitub duwa Sadok; Sadok duwa Ahima'as;

³⁵ Ahima'as duwa Azariya; Azarya duwa Yohanan;

³⁶ Yohanan duwa Azariya. Ndəni dəsan məsdələv addəv Gəla na Maŋgəlva, an Salomoŋ arkə a Yerusalem.

³⁷ Azariya duwa Amarya; Amarya duwa Ahitub;

³⁸ Ahitub duwa Sadok; Sadok duwa Sallum;

³⁹ Sallum duwa Hilkiya; Hilkiya duwa Azariya;

⁴⁰ Azariya duwa Seraya; Seraya duwa Yosadak;

⁴¹ Nabukodonozor akak Yosadak aka balam aka pay Yawe asimgit ɗiy sə Yuda gəm sə Yerusalem.