1Alabaraɗe Də Mabərkiziti 4 - Bible en Guidar

Iyaɗe meɓɓet na mazlalwã na Yuda

¹ Kirtin Yuda: Peres, Hesron, Karmi, Hur gəm Sobal.

² Re'aya, wətən Sobal duwa Yahat. Yahat duwe may Ahumay də Lahad: ndəɗaŋgə məlma net mə Soreyaɗi.

³ Kirtin Hur afən walaŋgəla na Etam yeŋki: Yizrel, Yisma, gəm Yidbas; iya nat milmit na, Haselelponi.

⁴ Penuwel afən Gedor, gəm Ezer afən Husa. Eskiŋ kirtin Hur, tizi nat Efrat, mes dəɗi Bet-Lehem.

⁵ Asehur afən Tekowa, gil nan sula: may Hele'a dət Na'ara.

⁶ Na'ara tuwe sənək may Ahuzzam də Hefer, mə Temanɗe, dit mə Ahastarɗe. Eskiŋ kirtət Na'ara.

⁷ Kirtət Hele'a tamə: Seret, Sohar, də Etnan.

⁸ Kos duwe may Anub, də Hasobeba, ndəni dəhit mahəlfaɗe na Aharhel, wətən Harum.

⁹ Ki Yabes adawɗiyaŋ daykiyit milmiŋgiɗin, man təlvan na, Yabes dawnəh na: «də tatwãh nuwa.»

¹⁰ Yabes akkamanək Maŋgəlva na Israyel dawnəh na: «An əzaɓ kəzaɓaw gesiŋ, asna wakəzlzleten su dələv nawa, vok wasan akaw ɗayɗayə, wakəzargən tatwãh səzaw nədawzəm sahã ɓa.» Maŋgəlva aɗɗa sənək an assõhu.

¹¹ Kelub, məlmən Suha, awak Mehir afən Eston.

¹² Eston, Awak Bet-Rafa, Pase'a, gəm Tehinna, dəɗi Ir-Nahas. Ndəɗaŋgə ɗiy dəssoŋ a Reka.

¹³ Kirtin Kenaz na: Otniyel gəm Seraya. Wətən Otniyel tamə, Hatat.

¹⁴ Me'onotay duwa Ofra, Seraya tam duwa Yo'ab dəmpa Ge-Harasim, vi məsənaŋ əzaɓ zəgeɗiŋgə.

¹⁵ Kirtin Kaleb wət Yefunne yeŋki: Iru, Ela, gəm Na'am. Wətən Ela: Kenaz.

¹⁶ Kirtin Yehallelel: Zif, Zifa, Tiriya, də Asareyel.

¹⁷ Kirtin Ezra: Yeter, Mered, Efer, də Yalon. Ga Mered təɗiyək daway nat Miryam, na Sammay, gəm an na Yisba, dəmpa Estemo'a.

¹⁸ Guluk nan mə Yudak tuwek may Yered, afən Gedor; Heber dəmpa Soko; gəm Yekutiyel dəmpa Zanowa; ndəɗaŋgə kirtət Bitya, wətən Farawən akən Mered aɗiyə.

¹⁹ Kirtət guluk na Hodiya, məlmən Naham yeŋki: mə Garmi məs dəmpa Keyla, mə Ma'akat məs dəmpa Estemo'a.

²⁰ Kirtin Simoŋ: Amnon, Rinna, Ben-Hanan, gəm Tilon. Zev Isey: ndəni Yohet də Ben-Yohet.

²¹ Zev Sela, wətən Yuda: Er, dəmpa Leka, La'eda, dəɗi Maresa, gebbet məhoŋ gabaga na helege na ngərayã kukuɗo a Bet-Asbe'a.

²² Yokim dit ɗiy na Kozeba, gəm Yo'as, də Saraf dəzəmnən Mo'ab, amndoŋgək a Yasubi-Lahem, wənɗes na maguwəŋgə;

²³ net zeŋvit mərkaŋɗeŋ, a Netayim gəm a Gedera assoŋ də gəla go'o də məlĩ aka wəza nani.

Zev Simeyon

²⁴ Kirtin Simeyon: Nemuwel, Yamin, Yarib, Zera, Sawul;

²⁵ Sallum duwa Mibsam, Mibsam duwa Misma.

²⁶ Misma duwa Hammuwel, Hammuwel duwa Zakkur, Zakkur duwa Simey.

²⁷ Kirtin Simey mezeŋglet kəlaw kiyit slere, muguluŋgit sləre; milmiŋgiɗin mezeŋgleket meɓɓet duwaŋ mezeŋgleket diyɗa ɓa. Vini mazlalwẽt tahəŋ gba na Yuda ɓa.

²⁸ Assoŋ də gəla a Ber-Seba, Molada, Hasar-Suwal,

²⁹ a Bilha, a Esem, a Tolad,

³⁰ a Betuwel, a Horma, a Siklag,

³¹ a Bet-Markabot, a Hasar-Susim, a Bet-Birey, a Sa'arayim. Ndəɗaŋgə walaŋgəleɗe gugriɗ net hã gap aka məlĩ na Davit,

³² walaŋgəleɗe memeɗeŋɗe neti: Etam, En-Rimmon, Token, Asan, gəm walaŋgəleɗe gugriɗ sle'i,

³³ walaŋgəleɗe memeɗeŋɗe en dətərwəslnin kiyit walaŋgəleɗe gugriɗ hã gap a Ba'al. Eskiŋ walaŋgəleɗe assoŋ də wəŋɗa na mazlalwã neti.

³⁴ Mesobab, Yamlek, Yosa wətən Amatsiya,

³⁵ Yo'el, Yehu, wətən Yosibya, wətən Seraya, wətən Asiyel,

³⁶ Elyo'enay, Ya'akoba, Yesohaya, Asaya, Adiyel, Yesimiyel, Benaya,

³⁷ Ziza wətən Sifey, wətən Allon, wətən Yedaya, wətən Simri, wətən Semaya:

³⁸ en məŋɗetiŋki, ndəɗaŋgə deyeɗe na mahəlfa neti, məlma net awanək zən diyɗa.

³⁹ Ndəɗaŋ tek hã va nawtoŋ a Gedor, dəmmba pay nampum na walaŋ, əkay təki nawtaɗ net gilewi;

⁴⁰ arəhaŋgək təki nawtaɗ tindiŋ tindiŋ moggoni, dələv nan fədi fədiyə, nassa fendeŋ ki ɗəf foŋŋgo, vi kirtin Kam dəssoŋ adak lahəŋka.

⁴¹ Ɗiy en məŋɗetiski, aka pay na Hizkiya məlĩ na Yuda azzoŋgu, andoletinik gizlirkeɗe net də təki nawɗam net nadaka, azetinik ɗiy sədak kakãh hã gap pay dəpaŋka. Ndəɗaŋ gurom də gəla a gəleti, vi muyã nawtaɗ net gilew net tay adaka.

⁴² Kirtin Simeyon səzet addoŋgək aka gərəm na Se'ir: zel səkat sle', ɗiy en nabet na, Pelatya, Ne'arya, Refaya gəm Uzziyel wətən Isey.

⁴³ Abeyninik mə Amalekɗe en dəkõhoŋgu, ndəɗaŋ də gəla a gəlet gurom hã pay dəpaŋka.