1Alabaraɗe Də Mabərkiziti 23 - Bible en Guidar

Paŋgit mə Leviɗe temtem

¹ Davit agalka, andək əzva, aɗi Salomoŋ wətən ka məlĩ aka Israyel.

² Yaŋ akkelet deyeɗe na Israyel pakə gəm məsdəlveŋge dit mə Leviɗe.

³ Məŋɗeti mə Leviɗe, təŋ səza əzva kaklaw hoku dit en dədayaŋgə. Wəŋɗa net va məŋɗet pak taka taka, aɗɗaŋgək zel gabal kaklaw hoku kiyit dodopoɗo.

⁴ Ɗiy nawdawgənən wəza na gəla na Yawe sə weleŋgit tahəŋ gabal kaklaw sula kiyit poɗo, məzuvereŋ dit mətawaŋwən tahəŋ gabal sləre,

⁵ məgaŋ maddamba gabal poɗo, məgadakanən Yawe dit zəgeɗ naskəl en nəgəɗ nawgagdakan tahəŋ gabal poɗo.

⁶ Davit awɗeketik də ngaɗekti, kirtin Levi: Gerson, Kehat, gəm Merari.

⁷ Net kirtin Gerson: La'edan, gəm Simey.

⁸ Kirtin La'edan: Ye'iyel, daya nani, Zetam də Yo'el, sap hoku.

⁹ Kirtin Simey: Selomit, Haziyel gəm Haran: sap hoku. Ndəɗaŋgə migil gəla səza La'edan.

¹⁰ Kirtin Simey: Yahat, Ziza, Ye'us gəm Beriya: ndəɗaŋgə kirtin Simey poɗo.

¹¹ Yahati yi daya, Ziza masulani, may Ye'us də Beriya na, dərahaŋ kirin diyɗa ɓa, net məŋɗet va daŋgla na ɗəf taka.

¹² Kirtin Kehat: Amram, Yisehar, Hebron gəm Uzziyel: sap poɗo.

¹³ Kirtin Amram: Aron də Moyis. Aron məwelni dəgəɗgən wəza a təki salala diyɗa, ndən dit kirtin hã faɗə, kawzla tursan sən Yawe, kawsan aka wəza nani, gəm kaɗɗa wəzaɓ aket ɗiy də iya nan hã faɗə.

¹⁴ Moyis ɗəf na Maŋgəlva yi; kirtin addəv mahəlfa na Levi məŋɗeti.

¹⁵ Kirtin Moyis: Gersom də Eli'ezer.

¹⁶ Wətən Gersom: Sebuwel daya.

¹⁷ Wətən Eli'ezer: Rehabiya, Eli'ezer dərah kirin meɓɓet ɓa, yaŋ Rehabiya awə kirin hõnyo' hõnyo'u.

¹⁸ Wətən Yisehar: Selomit, daya.

¹⁹ Kirtin Hebron: Yeriya, daya, Amarya masuleti, Yahaziyel, mohoketi, gəm Yekame'am mapoɗeti.

²⁰ Kirtin Uzziyel: Mika, daya gəm Yisiya masulani.

²¹ Kirtin Merari: Mahli də Musi. Kirtin Mahli: Ele'azar də Kis.

²² Ele'azar zam məza bok kirin mezeŋgleket ɓa, muguluŋgit kaka' awə, kirtin Kis milmiŋgiɗit dəkeynin ka gil neti.

²³ Kirtin Musi: Mahli, Eder gəm Yeremot: sap hoku.

²⁴ Eskiŋ mazlalwã Levi, va daŋgla net asani, migil gəla anetda va məŋɗet də iya net taka taka; tay əɗɗanən wəza net addəv Gəla na Yawe, təŋ səza əzva kaklaw sula ədda abe.

²⁵ Vi Davit anahək na: «Yawe, Maŋgəlva na Israyel, apsitik əffet sit ɗiy nani, wassoŋ a Yerusalem hã faɗə.

²⁶ Mə Leviɗe aslanən na gizlirke nalma də Maŋgəlva dit zəgeɗ na wəza nan pak əmpa ɓa.»

²⁷ Va əpel na Davit apel faɗə, mə Leviɗe məŋɗeti təŋ səza əzva kaklaw sula nadda abe.

²⁸ Səmet kirtin Aron adawganən əɗɗa wəza naddəv Gəla na Yawe, an dəwəl sit daŋglaɗe dit giziŋɗe, də wən nabbur zəga məpsən Yawe pakə, gəm wəza naɗɗa addəv Gəla na Maŋgəlva;

²⁹ dəzgaŋgən sləma aka way napsən Maŋgəlva, əvəl na gəpa kukuɗo, peŋɗe məslepreke məza wuɗo ɓa dit en muye'it a kasliya də gato məslahãni gəm zəgeɗ nawsla gədəv zəga dit en nawsla zezek na zəga;

³⁰ dəslanən zit də mapummo də moskoy pak vi kawgagdakan Yawe, də wəɗi kini.

³¹ Də wəza nawda əvəl nawzla kurmbuɗuk sən Yawe pakə, aka pay naffete, aka təlaper, gəm wəzləreɗi, va məziwgən wəŋɗa net naɗɗa ɗayɗay aba Yawe.

³² Dərmanəngən wəza naddəv gizlirke nalma də Maŋgəlva gəm wəza na Gəlamatuya gəm wəza net kirtin Aron milmiŋgiɗit dəwəl sən wəza naddəv Gəla na Yawe.