1Alabaraɗe Də Mabərkiziti 12 - Bible en Guidar

Beyneŋgiɗ Davit maddaabəŋ a Siklag

¹ Eŋkiŋ ɗiy en dəzzoŋ aza Davit a Siklag gala asan a təki əɗam sə mahara Sawlu wətən Kis, net pak aret məzəlpaŋ məs mekret məs dəzzoŋ əbbah sən əlpaŋgə.

² Tahəŋ dit gulomɗe raɗraɗ, tay əsketin gərmeŋge gəm uhẽt herɗe də bəle də vet dəzəŋ may də vet zlaɓay pakə. Milmiŋgiɗ Sawlu mə Benyamin en dəzzoŋ yeŋki:

³ Ahiyezer daya, də Yo'as, kirtin Sema'a na Gibeya; Yeziyel də Pelet kirtin Azmawet; Beraka gəm Yehu, na Anatot;

⁴ Ismaya mə Gabawən, səret məs mekret kaklaw hoku, dəsan daya naket kaklaw hoku;

⁵ Yirmeya, Yahaziyel, Yohanan gəm Yozabad mə Gedera;

⁶ Elewzay, Yerimot, Be'alya, Semarya gəm Sefatya mə Harifi;

⁷ Elkana, Yisiya, Azarel, Yo'ezer, Yasobe'am mə Koreyɗe;

⁸ Yo'ela gəm Zebadya, kirtin Yeroham na Gedor.

⁹ Gambereɗ məs mekret dəgohən zit səret mə Gadɗe vi kawmbat aza Davit a təki aɗam a kapta-muyãŋ na, ɗiy vet məsla zit nawgayəŋgə, tahəŋ də baray gəm tulhõ. Mekret tay va net ɓooliɗi, tilit ammbet petpet va net muneŋge aket gərmeŋge.

¹⁰ Ezer yi daya, Obadya masulani, Eliyab mahoketi,

¹¹ Mismanna mopoɗoti, Yirmeya məsle'eti,

¹² Attay məsləre'eti, Eliyel mobuhuleti,

¹³ Yohanan mododopoɗeti, Elzabad mavaytaketi,

¹⁴ Yirmeya makəlaweti, Makbannay makəlaw kiyən taketi,

¹⁵ Eskiŋ kirtin Gad, deyeɗe nalpa; muzliya nammbet na gba ɗiy səkati yi; an metiŋ naret tamə, gba ɗiy gabalə.

¹⁶ Ndəɗaŋgə dəggaraŋ ki Yurden aka təla maddaabəŋ na əzva, aka tay məknahən man awra awra, ndəɗaŋ dərɓehetiŋ ɗiy dəssoŋ də gəla a walaŋ dəmmba pay nampum gəm dəmmba pay na moskoy pakə.

¹⁷ Mə Benyaminɗe dit mə Yudeɗ azzoŋguk hã gap a təki nawɗam na Davit.

¹⁸ Davit vit abeti, apel siti, amna: «An də zazay kəzzoŋ əbbah suwəni, makraw wasan taka də munokum. Ya an vi kawmbəɗaw sit məzuzelɗe nawi yi, adan tay an nəgəɗ mbərayən ɓa, kəta Maŋgəlva net efiŋgiɗu dula, kəta dətaw wən nani!»

¹⁹ Yaŋ əmpəs aprik aka Amasay, daya net məzəlpaŋ hoku: «Nok mənani Davit, də is mənani wətən Yesse, Zazay yi, zazay yi akoko gəm zazay aket ɗiy məzəbbahaŋ sukuni, Vi Maŋgəlva nok abbah sukko.» Yaŋ Davit atefe, aɗi aret deyeɗe net məzəlpaŋgə.

²⁰ Ɗiy na Manase asapaŋ aza Davit aka ade dit mə Filistiɗe, kawgay də Sawlu, ya dəbbahaŋ sitin ɓa, vi əkkal net ətawan wən nan na, milyeŋge net mə Filistiɗe aɓoŋgoŋguk aka Davit, də wənəhaŋ na: «Də əmta nam adawrəh kinenek aza daya nan Sawlu!»

²¹ Gala Davit ambat a Siklag na, ɗiy na Manase yeŋ dəsapaŋ azani: Adna, Yozabad, Yediya'el, Mika'el, Yozabad, Elihu gəm Silletay, deyeɗe net məzəlpaŋ gabal-gabal na Manase.

²² Ndəɗaŋgə dəbbahaŋ sənən Davit dit məzəlpaŋ nani, vi gambereɗ nalpaŋ pakgiti, assoŋguk deyeɗe aret məzəlpaŋgə.

²³ Va təki addaŋ pak ɗiy tay əzzoŋ əbbah sən Davit, dibirgidik van kpaŋ metiŋgin va dibirgidik na Maŋgəlva.

Əŋɗa net ɗiy na Davit dəzzoŋ a Hebron

²⁴ Əŋɗa net ɗiy məzaɓan zit nawgay dəzzoŋ aza Davit a Hebron yeŋ vi kawgorgən sən məlĩ səva Sawlu, va Yawe aɗi wən nani:

²⁵ Ɗiy na Yuda məɓapaŋ wəsla baray də tulhõ, dəzaɓanən zit nawgay tahəŋ: gabal sləre də səkat dodopoɗo;

²⁶ səret kirtin Simeyon, zel gambereɗ nawgay: tahəŋ gabal buhul də səkatə.

²⁷ Səret kirtin Levi: gabal poɗo də səkat sləre,

²⁸ gəm Yoyada, daya net ɗiy na Aron, ɗiy nammban tahəŋ: gabal hoku də səkat buhulu;

²⁹ gəm Sadok gawla gambara, gəm deyeɗe səŋgil ana afənda kaklaw sula kiyit sula.

³⁰ Səret Kirtin Benyamin, milmiŋgiɗin Sawlu: gabal hoku, hã kakaŋ vadaysa net tahəŋ aka wəza na əga gəla na Sawlu.

³¹ Səret kirtin Efrayim: gabal kaklaw sula də səkat dodopoɗo gambereɗi, ɗiy məs sləmet agil a daŋgla na afiti.

³² Səza wəɗak na mahəlfa na Manase: gabal kəlaw kiyit dodopoɗo, məs miyet də iya neti, nazzoŋ kawɗi Davit aka məlyã.

³³ Səret Kirtin Isakar, en dəsənnən əgohonən paya, vi kawsən an Israyel adaɗɗa: deyeɗe tahəŋ səkat sula, gəm milmiŋgiɗit en nammba veti.

³⁴ Səddəv mahəlfa na Zabulon: zel gabal kaklaw sle' nawɓapaŋ əmbat dit zəgeɗ nawgay net pakə, dədalpaŋ də mekret taka.

³⁵ Səddəv mahəlfa na Neftali: deyeɗe gabalə, dit ɗiy net barayɗe dit tulhõŋɗe, zel gabal kaklaw hoku kiyit buhulu.

³⁶ Səddəv mahəlfa na Dan: zel gabal kaklaw sula kiyit dodopoɗo də səkat sləre nawɓap əgayaŋgə.

³⁷ Səddəv mahəlfa na Aser: zel gabal kaklaw poɗo dəslanən zit nawmbat əgaya.

³⁸ Ɗiy na dəggar ki Yurden, mə Rubenɗe, mə Gadɗe gəm pəɗak net kirtin Manase: zel gabal səkat də kaklaw sula, dit zəgeɗ nalpa temtemi.

³⁹ Ɗiyis pak aslanənək zit nawgay də mekret taka, azzoŋ a Hebron kawɗi Davit aka məlĩ aka Israyel baymani. Madembirgit mə Israyelɗe meɓɓet pak azzoŋguk də mekret taka vi kawɗi Davit aka məlyã.

⁴⁰ Assoŋguk adak əvoŋ hoku də Davit, aka əzəma gəm əsa, vi milmiŋgiɗit azaɓaŋgək əzəm viti.

⁴¹ Gəm meggeŋgiɗit pak hã gap Isakar, Zabulon gəm Neftali, net pak akiyaŋgək zəga nawzəm dit korɗe, zlogomeɗi, koropilseŋge gəm wasliɗe: gəpa, gato na sokoyo, kirtin megezlembirkeɗ məkleketi, mbazla, mẽlẽ, wasliɗe dit gilew aŋɗaŋ ɓa, vi wənnek tay a Israyel.