Yo'el 3 - Bible en Guidar

Pay na Yawe ( 3:1—4:21 ) Daya watərayan əmpəs nan aket ɗiy pakə

¹ Dərɓaga aska, wanətərayan Əmpəs naw aka ɗəf pakə, kirtukum mezeŋgleket dit muguluŋgit waɗɗaŋ kəleŋ, mezzeɗ nokum wassineŋgi, gawleɗ dit gorɗeŋge nokum wawlaŋgə.

² Pay nan na, wanətərayan Əmpəs naw aket məɗɗaŋ wəza mezeŋgleket dit muguluŋgit daydayə.

³ Wanəɗi tetele a disiŋ, gəm aka dəlvafuŋ, mbeli, offo gəm dədəka net enene.

⁴ Pay wakkpaŋ guzliyo, təla tam ka mbeli, tak əgap na pay na Daya, pay metiŋgin nawgeslne' səni yi.

⁵ Vasna, ɗəf an dədawya iya na Daya pak na wakõhũ. Vi aka mossorgo metiŋ na Siyon gəm a Yerusalem na ɗiy tahəŋ nawkõhoŋgu, va Yawe apeli. Ɗiy en Yawe adawya, wassoŋ səret en dəndəwəɗaŋgə.