Ibriɗe 5 - Bible en Guidar

¹ Daya net məsdəlveŋge pak sə weleŋgit ɗiy adawelini, wəza nan na: əɗɗa wəza sən Maŋgəlva ammbeti. Ndən dədapsən əvəl sən Maŋgəlva gəm dəzaɓ-Maŋgəlva viyit mambrayɗe.

² Waɓap əsən gabba əssa net ɗiy məs tahəŋ də əsən ɓa, məzuzaŋgə, vi ndən sən kiyən pak attəmanək əddak temtem diyɗa.

³ Vi aski, əzaɓ-Maŋgəlva an adawdaŋ na, ammbet mambrayɗe net ɗiyi kaka' ɓa, ammbet en naniye'e.

⁴ Ɗəf dədawgəm gagdak na daya net məsdəlveŋge sən kiyən ɓa. Maŋgəlva dədawya ɗəf akan va aya Aron. Maŋgəlva dədawyani, va aya Aron.

⁵ Vaski yi'e Kristu dəgəm gagdak nassa daya net məsdəlveŋge sən kiyən ɓa. Maŋgəlva iyi dənahsən na: Wətu kənani, dəpaŋ nəwuko.

⁶ Anahək a təki maɓɓan əmpa na: Is tat məsdələv naw hã faɗə va Melkisedek.

⁷ Aka Yesu adawsan egge, akkamanək Maŋgəlva nawɓap əkõhgən səma əmta də əɓuhman dayadaya dit sini. Maŋgəlva aprəmək əkkam nani vi aɓe'gənək ki zəni.

⁸ Də asan Wətən Maŋgəlva zlaŋ, də əzəmsãhã temtem ayagan wəprəm ma.

⁹ Adan Yesu agrak əzəmsãhã nan temtem də wəza nan pakə, akkpaŋgək afən wəkõh an faɗ viyit ɗiy məs dəprəmən man pakə.

¹⁰ Ndəni Maŋgəlva aɗiy ka daya net məsdəlveŋge, va məsdələv Melkisedek.

Zəga daryawi əzgan ətafa

¹¹ Aka asna, əpəl tay amam diyɗa nawpel akani, ya tuwãhi nawboton sukum, vi gədak kənanaŋ aza əprəma.

¹² Vi far kədassoŋ mərbaŋzəga kəta, ya hã kakaŋka mokum aka ɗəf dərban sukumgən zəga an məs tay tuwãh addəv əpel na Maŋgəlva ɓa! Mokum aka moŋvo, məza way məzbəkən ɓəl ɓa.

¹³ Ɗəf məzuwaɗ pak awsən əpel aka zəga an təstəs ɓa vi muzliya iyi tagay.

¹⁴ Ɗiy gugriɗe, net way ɓəɓəl adawzəmaŋgə, vi asərəkgənənək ziti, asənənək uɗakan moggon də mbərayən.