Gəlyaɗe 82 - Bible en Guidar

Ətawwən na Maŋgəlva aket ɗiy pakə

1 Gəlyanalva na Asaf.

¹ Gəlyanalva na Asaf. Maŋgəlva aziwik addəv əkkal net ɗiy nan na disiŋ, tay ətawwən addekit meŋgilveɗ ənəh na:

² Hã dewe kədappanən ətawwən məza aka təssa ɓa, mənokum əbbah sit ɗiy en dəraygənən di? Əziwe

³ Mətawwən na ɗəf məddakən gəm na mitiwe də təstəsə, mətawwən na məssahã gəm na məzuraya də tiveni;

⁴ məpəl məssahã də məzuraya, məkõhgit səvet məsdarawɗe.

⁵ Dəsənnən ɓa, aprəmnən gabban ɓa, tahəŋ ədawaŋ ara guzliyo, vini dələv gboŋ arayə.

⁶ Naw nəmna: «Meŋgilveɗ kənanəni, mənokum pak, kirtin Məsəɗəɗə kənanəni.»

⁷ Də as pak wakəmtaŋ va ɗiyi, wakəskotoŋ pak va milyeŋge.

⁸ Maŋgəlva, asili! Asok mətawwən naka dəlvafuŋ, vi ɗiy pak ammba vokəŋgə.