Gəlyaɗe 1 - Bible en Guidar

Gəlyeɗe en daabəŋ ( GLƊ 1—41 ) Wənnek an gesiŋ

¹ Ənnek aza ɗəf məs azban əsəɓ net məsdarawɗe ɓa, məs awziw aka tive net məs mambrayɗe ɓa məs awsan dəndit məmasaŋ aket ɗiy ɓa,

² ya məzənneken zən addəv mahenziŋ na Yawe gəm ə'oron mahenziŋ nan kapay də dəfəɗ pakə!

³ Tay va wəlaŋga məmpan a met iŋkile: tay uwa də pay nani, gaslamban awɓət ɓa; an adaɗɗa pak tay ədaw ammbani.

⁴ Məsdarawɗe net vaskəŋ ɓa: tahəŋ va eslesle məs səmyã adawfu'o.

⁵ Vini pay nawtawwən na, məsdarawɗe dit məs mambrayɗe aziweŋ na aret ɗiy en təstəs ɓa.

⁶ Vi Yawe asənək ədaw net ɗiy en təstəsə, ya tive net məsdarawɗe na əzay yi.