Əŋɗa 1 - Bible en Guidar

Mə Israyelɗe a kapta-muyã na Sinay ( 1:1—10:10 ) Əver maddaabəŋ 1:1—4:49

¹ Yawe apel sənək Moyis addəv gizlirke nalma də Maŋgəlva, a kapta-muyã na Sinay; dasək van wəsɓəta madədaabəŋ na təla masulani, addəv wəzva masula'ən səɓɓa əgulyo net səka dələv na Eziptə. Amna:

² «Məziwgin əŋɗa na sap net mə Israyel beymet aza mahəlfa neti gəm aza məlma na ziti, də əver iya net ɗiy mezeŋgleket taka taka.

³ Is də Aron, Məver zel en də wəzva kaklaw sula ədda abe, məs nawɓapaŋ əlpa, əzban azet vandayɗe temtem məs assoŋ addəvit a Israyel.

⁴ Ɗəf mizilin taka səddəv mahəlfa pak dəsangən də mənokum, ɗəf afən gəla.

⁵ Iya net ɗiy nabbahaŋ sukumən yaŋka: na zev Ruben: Elisur, wətən Sede'ur.

⁶ Na zev Simeyon: Selumiyel, wətən Surisaday.

⁷ Na zev Yuda: Nasoŋ, wətən Aminadab.

⁸ Na zev Yisehar: Netanel, wətən Suwar.

⁹ Na zev Zabulon: Eliyab, wətən Helon.

¹⁰ Na zev Efrayim, wətən Yosef: Elisama, wətən Ammihut; zev Manase, wətən Yosef: Gamaliyel, wətən Pedasur.

¹¹ Na zev Benyamin: Abidan, wətən Gidoni.

¹² Na zev Dan: Ahiyezer, wətən Ammisaday.

¹³ Na zev Aser: Pagiyel, wətən Okran.

¹⁴ Na zev Gad: Elyasaf, wətən De'uwel.

¹⁵ Na zev Neftali: Ahira, wətən Eynan.»

¹⁶ Eskiŋ məwele net ɗiy, deyeɗe net mahəlfaɗe net migilit temtemi: ndəɗaŋ vetiŋgə deyeɗe aket məzəlpaŋ gabalɗe a Israyel pakə.

¹⁷ Moyis də Aron agiminik ɗiy en məwelit də iya net taka taka neki.

¹⁸ Yaŋ akkeletin ɗiy pak addəv wəsɓəta madədaabəŋ na təla masula'ən, mə Israyel avernən va zeŋvit awan zəni, əzban aza mahəlfa neti gəm aza məlma na ziti, agilgin iya net zel en də wəzva kaklaw sula ədda abe taka taka,

¹⁹ Moyis averik iya net a kapta-muyã na Sinay va Yawe aɗi sən wən nani.

²⁰ Aski əŋɗa net kirtin Ruben tiz na Israyel: an məverni iya net zel beymet məs wəzva kaklaw sula ədda abe, məs nawɓapaŋ əlpa, ɗerewel narban va awanən kiyit aza mahəlfa neti gəm aza məlma na zit

²¹ tay ərban na, mahəlfa na Ruben tay dit ɗiy 46 500.

²² Net kirtin Simeyon: an məgəmi iya net zel məverit taka taka məs də wəzva kaklaw sula ədda abe, məs nawɓapaŋ əlpa, ɗerewel narban va awanən kiyit aza mahəlfa neti gəm aza məlma na zit

²³ tay ərban na, mahəlfa na Simeyon tay dit ɗiy 59 300

²⁴ Net kirtin Gad: An məgəmi iya net məs wəzva kaklaw sula ədda abe, məs nawɓapaŋ əlpa, ɗerewel narban va awanən kiyit aza mahəlfa neti gəm aza məlma na zit

²⁵ tay ərban na, mahəlfa na Gad tay də əŋɗa net ɗiy 45 650.

²⁶ Net kirtin Yuda: An məgəmi iya net ɗiy məs wəzva kaklaw sula ədda abe məɓapaŋ əlpa, ɗerewel narban va awanən kiyit aza mahəlfa net gəm aza məlma na zit

²⁷ tay ərban na, mahəlfa na Yuda tay də əŋɗa net ɗiy 74 600.

²⁸ Net kirtin Yisehar: An məgəmi iya net ɗiy məs wəzva kaklaw sula ədda abe məɓapaŋ əlpa, ɗerewel narban va awanən kiyit aza mahəlfa neti gəm aza məlma na zit

²⁹ tay ərban na, mahəlfa na Yisehar tay də əŋɗa net ɗiy 54 400.

³⁰ Net kirtin Zabulon: An məgəmi iya net ɗiy məs wəzva kaklaw sula ədda abe məɓapaŋ əlpa, ɗerewel narban va awanən kiyit aza mahəlfa neti gəm aza məlma na zit

³¹ tay ərban na, mahəlfa na Zabulon tay də əŋɗa net ɗiy 57 400.

³² Net kirtin Yosef, net kirtin Efrayim na: An məgəmi iya net ɗiy məs wəzva kaklaw sula ədda abe məɓapaŋ əlpa, ɗerewel narban va awanən kiyit aza mahəlfa neti gəm aza məlma na zit

³³ tay ərban na, mahəlfa na Efrayim tay də əŋɗa net ɗiy 40 500.

³⁴ Net kirtin Manase na: An məgəmi iya net ɗiy məs wəzva kaklaw sula ədda abe məɓapaŋ əlpa, ɗerewel narban va awanən kiyit aza mahəlfa neti gəm aza məlma na zit

³⁵ tay ərban na, mahəlfa na Manase tay də əŋɗa net ɗiy 32 200.

³⁶ Net kirtin Benyamin na: An məgəmi iya net ɗiy məs wəzva kaklaw sula ədda abe məɓapaŋ əlpa, ɗerewel narban va awanən kiyit aza mahəlfa neti gəm aza məlma na zit

³⁷ tay ərban na, mahəlfa na Benyamin tay də əŋɗa net ɗiy 35 400.

³⁸ Net kirtin Dan na: An məgəmi iya net ɗiy məs wəzva kaklaw sula ədda abe məɓapaŋ əlpa, ɗerewel narban va awanən kiyit aza mahəlfa neti gəm aza məlma na zit

³⁹ tay ərban na, mahəlfa na Dan tay də əŋɗa net ɗiy 62 700.

⁴⁰ Net kirtin Aser na: An məgəmi iya net ɗiy məs wəzva kaklaw sula ədda abe məɓapaŋ əlpa, ɗerewel narban va awanən kiyit aza mahəlfa neti gəm aza məlma na zit

⁴¹ tay ərban na, mahəlfa na Aser tay də əŋɗa net ɗiy 41 500.

⁴² Net kirtin Neftali na: An məgəmi iya net ɗiy məs wəzva kaklaw sula ədda abe məɓapaŋ əlpa, ɗerewel narban va awanən zit aza mahəlfa neti gəm aza məlma na zit

⁴³ tay ərban na, mahəlfa na Neftali tay də əŋɗa net ɗiy 53 400.

⁴⁴ Vaski kan əŋɗa net ɗiy məs, Moyis də Aron gəm deyeɗe net migil gəla na Israyel kəlaw kiyit sula avereŋgə aza mahəlfa pak taka taka.

⁴⁵ Sap net mə Israyelɗe en də wəzva kaklaw sula əmbat abe, məɓapaŋ əlpa,

⁴⁶ agəɗək 603 550.

Wəza zeŋvin temme na zev Levi

⁴⁷ Ɗiy en zev Levi net məverti yi məstaka dit mə Israyelɗe pak ɓa.

⁴⁸ Yawe apel sənək Moyis amna:

⁴⁹ «Mahəlfa na levi yi kaka məs kəver na aret mə Israyelɗe pak ɓa.

⁵⁰ Kipsitigən gəla salala məs məɗi ɗerewel nawsler ammba vet mə Leviɗe, gəm zəgeɗ en nazan temtem, may zəgeɗ en na wəza nadaka. Dəslanəngən gəla salala dit zəgeɗ nani, dəɗɗanəngən wəza naddəvən, dəssoŋgən də gəla kiyən karkarə.

⁵¹ Pay kədawzargənən təki nassa, mə Leviɗe dədawpəlanəni; pay kədampanən təki nassa, mə leviɗe dədampanəni. An ɗəf ɗar azzarək aza təki nassa vani, kəbaynəngən zamə.

⁵² Mə Israyelɗe dəzinəngən gəla, naway pak a dibirgidik na ŋgaɓa net məzəlpaŋ nani.

⁵³ Zev Levi kaka' dədawsan tərwəsl kigəla təki nassa nawslere, dəɗɗanəngən wəza net adaka. An agəɗək vasna, mə Israyelɗe adansəwən na gədəvu ɓa. Mə Leviɗe dədawganən təki nassa na miziwe.»

⁵⁴ Va Yawe aɗi wən nan sən Moyisi, vas mə Israyelɗe azbanəni.