YOHANNA ƁEWYEGYE 2 - Alkawali Woiwoyi

¹ Ka wasika ga ikklisiya tukwoda n Afisus ha gnawo ge: “Mika ma gna ho tnu-tnu n kwo gmi n wo aba n wo zan-zan dna n na ikklisiya nyi, nɓa tukwo-dai shi n wo bwai-zhe bwa nyi.

² “Wo ciho ge, Mikpe lo shiho zhin aɓo manayi nsun, miku gye oho kukari n hakuri yi, mi kpelo hota ye n laifiyi n ho aza aban, hoi la aza pmi nɓa ci ge ɓa zhin atnu-tnu-yi ɓai to zhinɓa nun, Ho ku kpe n gye shiɓa ce a kata.

³ Hoku wahala sin ntu mi ɓo, to hoi fa min.

⁴ “Amma enya lo gmanyi n kwo wunya lo, ho ye milo ngye kmisunyin.

⁵ Zhin nubo n esai n ho ɓei kmi mi ye nyi, kwo shandolo nsai ye, ha je zeɓe dami, ha zhin tnu-tnu shi ho ɓei shin zhin, kwo maɓe ma gni ho kandle busiya n na a eklisiya aje.

⁶ “Amma oɓo lo n ho aba n kwo bmiyalo: Hota ye n Nikolawuya ashakpe yin, shi mi ta ye nyin.

⁷ “Fa ɓedaye kwa lo zaho-zahoi tnubua n wo kna tunbua woi wo oɓo n Zafun gna a ikklisiya. Oza n wa gyi nasara, miɓa gawo, shinwa wye-wyeyi nya n kwo dna n Shekwoyi paradise wagyi.”

⁸ Kwo lo ikklisiya tukwoda aba n Simiruna: “Tnu-tnuye gmi n o-wo aba nu nwo zhin Kmisunyi n kmazoyi, n wo ɓei la fi wa lakala n wye-wyeyi nyi.

⁹ “Mikpelo shi ho sin wahala ntu Dagayi ɓo nsun, mikpe oho awye kwoye lo, (amma ho n nabwa eshe nyayi lo.) Mi kpe aza kwoce dnai yelo n ɓa gni apa-pa n hoi nyi, nɓa gna ge ɓa zhin a Yahudiyi nyi Shekwoyi aɓi, ɓai to zhin owo aɓi nun, gama ɓa ce Shetan zokwo golo.

¹⁰ To zhin wahala dnawo n ho ye ha sin nyin, gama esa fyewyi shetan ɓa she a zaho yafi n kurkuku wa mwi fye gye. Aɓa ga fye wahala anyi-pyei ngun awo. La mi gni, ha nu egbe kwo efiyi nu, mihin ce mi ɓa gaho rawani wye-wyeyi nya. Abye, mwa-mwa tna zo yi.

¹¹ Fa zahozahoi n wo wo atnubua ɓo wa wo oɓo n Zafun gna a ikklisiya. Oza n wo gyi nasara. Efi Bayi ta gye wo wyen.”

¹² Ka wasikaye ga ikklisiya tukwoda n Pargamus: “Tnu-tnuye gmi n oza banu nwo ebeyakwoyi shi ngyi-gyi yi abwa aba-ba nyi.

¹³ Mi kpelo ge ho dna n ezhi nu n shetan n gyi ebe, shetan mwa-mwa ga aba a tasin, har hoi vimi, to hoi ye ha nami aɓo m, kwo esa n Antibas, emi seida zhinyi, gbenuyi ɓei fi n na shetan a viyi akun.

¹⁴ “Ama mi na ɓei shilo n hoi, Ho fa aza ho nɓa wu aza ge ɓa zhin shi Bilamu ɓei zhin, wa wu Balak shi wo ɓa bwi a Israilayi aɓi dna n na anagbayi zokwo, wa ga ɓa bugba kala nge ɓa lo ashangba ba.

¹⁵ E, ho n na azayi filo n ɓa vi Balamu efye.

¹⁶ “Shan oho bugbado n ho aɓezhin yi, kwo kuwa maɓe oho aba ntna esa dnayi, ma sunkun n ɓai n ebeyakwo emi egbe nyai.

¹⁷ “Fa oza nwo wo atnubua ɓo wa wo oɓo n Zafun gna a ikklisiya. Oza nwa gyi nasara, wo ɓa gyi n manna n kwo so shinyi. Asiri lafiya ganya n kwo soshi n eshe mi nyi, ma ga zaho-zahoi kuta buyi, n kuta yi mi ɓei ka eye tu n zahota kpe kwo yen, sai: oza n wa bwa kwo.”

¹⁸ Ka wasikaye ga ikklisiya tukwoda n Tiyatara: “Tnu-tnuye gmi n Shekwoyi Nugun abanu, n wo awye gye wyeba ngye ena nyintala nyi, nwo apita wu ngye sinkna byei nagyi yi.

¹⁹ “Mi kpeho atnu-tnu amanayi yelo. Oho bmazhin n na awyekwoi aba. Oho cauta n tnull-tnu yi n ɓa aba, njesun mikpeho, ye-ye yelo, n gaiciya gayi n hankuriyi, mi gye she abye gyilo dna n na aɓeye n ho zhinyi.

²⁰ “Amma mi n na aɓeyi shilo game n hoyi, Ho fa nyikwozayi Jezebe, n wo yi wohin ge anabi woi wu emi abara nge anagbai to zhin ɓenukwoyi nun, woi ye ena fiɓa nge ɓa zhin cegye tnu-tnu, nge ɓagyi enya n na ala zunsha ga ashan.

²¹ Ma gawo esa nge wo shan owo bugba do n wo aɓe zhin-zhin yi

²² Gye ho anuwan n eɓei n mi danyi, mi ɓa wan wo gye tu n gado n nyasan nukwoi, ngnisun n wo aviyi, akpe ɓa pmi ɓe dami njesun, ɓa ye abwi alaifi n ɓaku zhin n woi nyi.

²³ Mi ɓa wu wo aɓi eklisiya vinya ɓa kpe ge emi nu dna aza abugba wye n ɓa anubo-zhinya, miɓa ga zaho-zahoi n fye mi nya n kwo kunce.

^24-25 “Ofye nfye ce fi n Tiyatara nyi, fyei to vi ababwi ye pyanyin, (a gaiciya loloyi, shiɓa yiɓa nwu, ama shetan aɓo aloloyi nu) mita shan-fye ɓeho nyan fye ku enya shi n kalai nfye cei, kafin mi ɓe.

²⁶ “Oza-n wa gyi nasara, wa zhin oɓo n kwo dami har nyipyei kmaknayi, miɓa ga wo iko tu n na akni tukwo.

²⁷ Wo ɓei gyi ebe tu n ɓa tukwo n sinknanya bwai, shi emi dada gami iko tu n ɓa tukwo, aɓei ɓa ɓaya ngye shakun, n na ɓakwo ya wyiwo-wyiwo nyi.

²⁸ Miɓa gawo kpasu labminya!

²⁹ “Fa ozaho-zahoyi nwo wo atnubua ɓo, wa wo oɓo n Zafun gna a ikklisiya.”