Matta 14 - Alkawali Woiwoyi

Shi Aɓei Wu Yohanna

¹ Dna n sayi nu n Hiridus ɓo wo Yesu ɓo.

² Wa gna wa za, “Aɓa gye Yohanna Batisma zhin yi nu la wye-wyei jebwa. Ce nu zhin woi mi woi zhin aɓo wo-woyi.”

³ Ntu ge Hiridus ɓo la Yohanna wan dna n kurkuku, shi owo nyiko?-?Hirodiyas-owo zado-Filibus-nyikwo ɓei gna wo zhin

⁴ Ntu ge Yohanna ɓo ku gna wo ge ko to bmiya lo wa la won.

⁵ Wo ɓo ɓa Yohanna wu ama wa wo ʼdna kada gyikici kwo laka, ntu ge aza vinya ɓei gaiciyai ga ge Yohanna zhin anabi nu.

⁶ Ama shi Hiridus nyipyei mama nya ɓo shegundo, wa zhin buci; Hirodiyas nyigun wa, nyanya kwa da Hiridus n mwa.

⁷ Wa zhin wo alkawali kala da ge, wo ɓa ga wo nyaho-nyahoi nwo ye.

⁸ Owo ʼya na wu wo nya wo ɓa ye, wa lo nʼsayi wa nya Yohanna tukwo nu ɓo tu fintala.

⁹ Bugba ɓei la osu wun, ama ntu nyasi ɓo n wo ɓei la lu si nyi, to wa ye wa gba wohin naza bye m, wa ce wa ga gbe.

¹⁰ A lo a zun Yohanna tukwo ya dna kurkuku.

¹¹ A ɓe nwo tukwo yi tu fintala, a ga ɓi-nyikwoi ho, wa lo wo ʼya ce yi.

¹² Yohanna ʼbara ɓe ɓa la wo nayi ɓa bi, ɓa lo ɓaku gna Yesu.

¹³ Shi Yesu ɓo wo lo nu, wa lo ʼya wa lo n wo gmanyi yi aba naza to ɓo nyi m. Ama aza-yezhi ɓo ku gye aba n wo lo, ɓa kun nazhi-yi gbo-gbo ɓa lo n kma-yi ɓa vi wo lo.

Yesu Wa Ga Aza Dubu Ngun A tnu Nyagyi

¹⁴ Shi Yesu ɓo piya tu n zhabui, wa gye deji zhi koi pmi wo, wa gye ɓa sun-sun wa ka ɓa nyasan-yi gna.

¹⁵ N wyesheyi abara ɓe wa ʼba ɓa gna wo, “Wyeshe nyagyi sa la duya yin to nyaho yi lo n zliabui ye ɓa gyi m. Ku aza gnami ɓa si nyagyi na kauye ɓa gyi.”

¹⁶ Yesu wa gna ɓa ge dole nu to a gna ɓa min, fye ga ɓa nyagyi ɓa gyi!

¹⁷ “Kninya!” Ca wo ɓa, “Yi na bredi za-zai nu bwa shi lo n gun atnu, n na bmiya yi ngun aba.”

¹⁸ Wa gna ɓa ge, “Fye ɓe ɓai ya.”

¹⁹ Wa gna aza ge ɓa ku sase kpe nagbe-gbe, Wa ku bredi yi ngun atnu ɓedo na bmiya yi ngun aba, wa kpa wye wu she wa ɓa Shekwoyi ge wo tu nyagyi anabarka, wa sa-kwo-ya, wa ga abara ɓa ga ʼza.

²⁰ Zaho-zahoyi wa gyi nubo a wo fu. Awyiwoyi n ɓa ɓo ce, a ye ɓa zhi ɓa ku nu a cekun awo-cei aba.

²¹ (A zanugbayi ɓo nyi dubu gun atnu (5,000) bam na nyikwo-zayi, n naɓi yi.)

²² N sayi-sayi yi Yesu wa gna wa bara ge ɓa lo ʼya ɓa piya lo kmayi. Wa ce gni wa gna za ʼmi.

^23-24 Shi wo ɓo ku aza gnami, wa gun epe wa zhin aduwa. Sukwo kwa ku wo abara zhin kpe ʼla, ɓai sin wahala. Ntu ge ese ɓo la laka nkala yi anuwa dokwoi kuka.

²⁵ Nfyegyi bwai ngye sin kna gun anyi, labmi nya, Yesu wa ɓe ɓa aba woi zan-zan tu nuwan.

²⁶ Owa bara fyaku nʼdna yi shi ɓa ɓo gye wo, ntu ge ɓa ɓo gye ngye zafun nukwoyi nu ɓe.

²⁷ Ama Yesu wa daɓo ɓai wa gna, “Fye to wo dna m, Emi nu.”

²⁸ Bitrus wa yi wo, “Dagayi, ngye ho nu gna mi ma ɓe haba mi yi zan-zan tu nuwan.”

²⁹ Wa gna wo ge, “Be” Bitrus wa gmi n eya walo Yesu aba woi zan-zan tu n nuwan.

³⁰ Ama shi wo ɓei shi anuwan dokwo awye, wa wo ʼdna, sai wo ya shin. Wa sawyi ge, “Gnimi, Dagayi!”

³¹ Nsai-sayi yi, Yesu wa tabwa wa wan wo. Yesu wa ciwo ge, Kninyi zhin hoi bma bugba ya?

³² Shi ɓa ɓo lofi n ʼya, ese kwa fa.

³³ Azaje nɓa ɓo fi n ʼya nyi, cawo ɓa, ɓa gna, “Behin-hin, ho zhin Shekwoyi Nugun nu.”

³⁴ Ɓa piya kpe Janisarata kni.

³⁵ N sayi-sayi yi, a ku wo zunɓa ge gye Yesu la ɓe. A tnu aza ɓa lo laɓa ɓai gna za vinyan ge ɓa ɓe nɓa nyasan-yi akaɓa gna.

³⁶ Ba gyiwo wye ge wo la bwa yeye, ɓa towo ejekpe bwa aza nɓa ɓo ku to bwa viyan, ɓa ku kagna bwa.