Bitrus I 4 - Alkawali Woiwoyi

¹ Shikonyi Kristi ɓei ku wahala sin wa dna n na zhin gye, fye ku wo bugba pya fi, fya ku zhi n shiriyi fya sin wahala ce. Ntuge fye pa ge, esa n nayi kwa sin wahala laifi kala kwa gba.

² Fye ta shan asese fyei vi aɓepwawo nayi nyam, ama aɓa wo fye pwa ngye fye zhin Shekwoyi ɓeye nu.

³ Aɓo anukwoyi ye ku fye kun, n fye ɓei zhin fyei zhin n sapa, n na a tna Shekwoyi yekpei zhin ɓa dagma fi n ɓa nyi, ajesin ajeshin, shakpe, jesin, awye-fan kasa ngye a nyacei shangba, n na ɓenukwoi aje yi.

⁴ Ai ceɓa wo of ye nugundo kwokwoi, shi fye to ye-yelo fya zhin aɓo nukwoi n gnisun ɓai, shi fye ɓei zhin fyei shin zhin nyim, ntucenu, ɓa ɓa mafye san ɓai kpe fya gye.

⁵ Ama fye pa ge tilas ɓa zhi n Wadayi vinya abye, awye-wyeyi da n na zafi yi, aɓei taɓa ngye shi ɓa sase wu.

⁶ Ntucenu a zhin azafi Nabari Manayi waʼazi n nuwan ɓei wan ɓa nyi, ntuge koda-yake aɓei taɓa nayi n efiyi ɓa mi ɓa sase fi nɓa azafun ngye Shekwoyi.

Yeye Pui Alaifi Anya Nmwa.

⁷ Anyi zo ɓelo esa fyewyi, ntucenu fye lace, fya zhin aduwa nubo cici.

⁸ Nya kwo du vinya, fye gyi abye fyei wu aje ye-ye dnagmai ntuge yeye zhin kwa pui alaifi nya mwa begye.

⁹ Fye ye n najei, fyei gaza nyagyi n na gyewanba yi, nɓa filo n ʼsan ntna awyice.

¹⁰ Shekwoyi la aɓozhin-zhinyi ga zaho-zahoi n, fyemi, fye zhin apma ɓai, ntu naza bmazhin ɓo, fye ce Shekwoyi anabarka ga azaje nwo ga fye nyi.

¹¹ Ala ho yi ha zhin waʼazi? To zhin waʼazi ngye Shekwoyi nu daɓo nho ʼgbe yi. Ayiho ha bma aza zhin nu? Zhin kwo n kalayi vinya n Shekwoyi wa gaho, n nabai a la Shekwoyi tu dna n Yesu Kristi, mwa-mwa n ikoyi owo nya nu har nyalonyalo. Amin.

¹² Oma nugundo, ceto wofye fye ya sin wahala napyei n na bye deyen, ntuge oɓo woyi honu toye kwa bwa fyen.

¹³ Ama ada fye dada nu ntuge awahalaye ɓa ze fye gmanyi n Kristi yi dna n wo wahala, n na vun fye ɓei bwa agmada yakwo dna nwo latu n kwo ɓelo nyi.

¹⁴ Fye dagma n na kni fye akmi ai tu fye ʼkni she fye vi Yesu, ntuge n kwa bwa fye lonu Shekwoyi Zafun ɓa ɓe fye aba n mwa-mwa yakwoyi.

¹⁵ Fye to ye mawo fye wahala sin ɓo ntuge fya wu oza kwo fya wyi ʼvim, kwo ɓenukwoi zhin, kwo ge fye laɓa fyei fi azaɓo abwam.

¹⁶ Ama kwo to zhin vinyiko ɓonu oza sin wahala she wo vi Yesun, ci Shekwoyi she ho zhin Yesu nya nu, har ai yi ho n wo ʼye latu nya yi.

¹⁷ Ntuge esalasi wada nya, tilas kwa ya n Shekwoyi aɓiyi nu. Tunda aɓa da a Yesu viyi owa, aza n ɓa to ga Dagayi gaiciya nyi ma, a ɓei ka zozo nɓai wuna?

¹⁸ N na a-ɓe-fyece-zhin-yi a pwo deca, atna Shekwoyi-viyi nna ɓenukwoyi zhin yi ma, aɓei papa agye ɓa da ma?

¹⁹ Ntuce nu fye sin wahal a ntu Shekwoyi ɓeye zhin ɓo, gyi abye n ɓe-manai-zhin-yi, fya kpema Shekwoyi n wa zhin fye nyi, ntuge wota yafyen.