Atasalunikayi II 1 - Alkawali Woiwoyi

¹ Wasika ye gmi n Bulus akun, n Silwanus yi, n Timatawus yi, Kwoi lo ikklisiya aba n Tasalunika, nfye zhin Shekwoyi eyi Dada n Dagayi Yesu Kristi nya nyi.

² Shekwoyi Dada n Dagayi Yesu Kristi yi wo tu fye anabarka n mwa, n bugba fuyi nu nfye a bugba.

³ Omi azaje, Shekwoyi godiya zhin ntu fye ɓo kwo to zhin ɓe mana nu kawain, eyi tnu-tnu nu n Shekwoyi aba, ntu fye gaiciya ga mwa-mwa yi ɓo, ntu ofye ye-ye ɓo n kwo mwalo n na aje aba nyi.

Dalili Wahala Nya

⁴ Adayi lo n mwa har yi gna a ikklisiya aje ofye hakuri ɓo n gaiciya ga yi n Shekwoyi, dna n fye wahala n fye sin nyi.

⁵ Zokwo gmanyi nu nyi n Shekwoyi zhin tnu-tnu, gama wo zhin a pma n wahala yi, woi zhin fye shiri ntu wo bemi ɓo.

⁶ Njesun woi zhin owa shiri ɓedo n tatai, ntu n na aza ɓo nɓa ga fye wahala nyi.

⁷ Ntuce nu nɓa gnafye, nfye sin wahala nyi Shekwoyi ɓa gafye sunlsun n gnisun n yi, esa Dagayi Yesu ɓa ɓe, esa n Yesu ɓa kashi ɓe n eshe, to yi dna cem, ɓedo n wo amalaika iko nya yi.

⁸ Woi ɓe n owai, tu na aza tukwo n ɓata ye ɓa kpe Shekwoyi yen, ɓai to ye ɓa gwo wo shiri wa gni ɓa dna n eyi Dagayi Yesu Kristi n.

⁹ Aɓei taɓa fi n anapr nyalo-nyalo nya, n gnajegna-gnayi ya n Dagayi, ɓa ta gye owo iko mwa-mwa wyen, har abada.

¹⁰ Sanu n wo ɓei ɓe, wa gwo latu n mwa mwayi n wo aza gyi-gyi-yi aba. Fyehin ɓo la wo tu ce, ntu ge fye ku gaiciya ga, n ɓeda n ya gnafye tu nwo tukwo nyi.

¹¹ Ntu cenu yi zhin aduwa ntu fye ɓo cici, nna bai eyi Shekwoyi, dna nwo iko, wo ɓa zhin fye fya ze aɓi manayi, ngye shi wo ye fya ze, wa zhin fye fya nu ofye aɓomwi manayi, ntu fye gaici-ya ga ɓo.

¹² N lonu aza vinya ɓa ci Dagayi Yesu Kristi eye, ntu n na aɓo ɓbo gye n nfye. Ofye mwa-mwa dnagmayi nunyi vinya, nge fye zhin Kristi nyanu. Sun-sun gye dnagmayi eyi Shekwoyi nya, n Dagayi Yesu Kristi yi nu na zhin deve kwoi si fye.