ዬ ማጻፋ 8 - ጋሞ ማጻፋ

ዳዊቲ ዛማሬታ ካቦስ ሱሱልኤን ዬጺዳ ማዛሙሬ

¹ ኣቤት ጎዳዉ! ኑ ጎዳዉ ኔ ሱን ቢታ ኡባን ኬሂ ቦንቼቲዴስ፤ ኔኒ ኔ ቦንቾ ሳሎታፔ ቦላን ቁ ቁ ሂስታ ዎዳሳ።

² ኔኒ ኔ ሞርኬታ ጊሻስ ኔ ባልጋራኔ ኔ ቦላ ማንዲዛይሳ ሲርጲ ኦናዉ ጉ ናይታ ዶናኒኔ ሚዛ ናይታ ዶናን ጋላታ ኩንዳሳ።

³ ኔኒ ኔ ኩሼን ሜዳ ሳሎታ፥ ሶሆን ሶሆን ኔኒ ዎዳ ኣጊናኔ ጾሊንቴታ ታኒ ቤኢዛ ዎዴ፥

⁴ ኔኒ ኣሳስ ቆፓናዉ ኣሲ ኣዜ? ዎይኮ ኔኒ ኣሳ ናስ ዉዴታናዉ ኢዚ ኣዜ?

⁵ ኢዛ ኔኒ ኪታንቻታፔ ጉራ ዚቂሳዳሳ፤ ቦንቾኔ ጊታቴ ካላቻ ኢዛ ሁኤን ጎጺሳዳሳ።

⁶ ኢዛ ኔኒ ኔ ሜዳ ሜቴ ኡባ ቦላን ሃሪዛዴ ኦዳ ሱንዳሳ፤ ኡባካ ኢዛስ ሃሪሳዳሳ።

⁷ ዶርሳታኔ ሚዛታ፥ ዶኣ ኡባ፥

⁸ ሳሎ ካፎታ፥ ኣባ ሞሌታኔ ኣባ ጊዶን ዲዛ ሜታ ኡባካ ኢዛስ ሃሪሳዳሳ።

⁹ ኣቤት ኑ ጎዳ ጾሳዉ! ኔ ሱን ቢታ ኡባ ቦላ ኬሂ ቦንቼቲዴስ።