ዬ ማጻፋ 75 - ጋሞ ማጻፋ

ኣሳፌይ ዛማሬታ ካቦስ፥ «ይሶፋ» ጌቴቲዛ ዲ ጊጊሶን ሺሺዳ ማዛሙሬ

¹ ኣቤት ጾሳዉ! ኔና ጋላቶስ፤ ኔ ኑስ ማታ ጊዲዳ ጊሻስ ኔ ሱንስ ጋላታ ሺሾስ፤ ኣሳይካ ማላሊሲዛ ኔ ኦሶ ኡባ ጊሻስ ሃሳዬስ።

² ጾሲ፥ «ታ ባራ ዎዳ ዎዴን ሱሬ ፒርዳ ፒርዳናይ ታና።

³ ሳኣይኔ ኢዛ ቦላ ዲዛ ሜታ ኡባይ ቃጺዛ ዎዴ ሳኣ ቱሳታ ሚን ኤሲዳይ ታና።

⁴ ኦቶራንቻታ፥ ‹ኦቶሬቶፍቴ› ጋይስ፤ ኢታታካ፥ ‹ኢንቴ ማካሎፍቴ።

⁵ ኔ ካጬ ኦቶሮን ቁ ቁ ሂስቶፋ፤ ኔ ቆ ቃ ሃሳዮፓ› ጋይስ» ጌስ።

⁶ ቦንቾይ ኣርሼይ ሞኪዛሶፔ ዎይኮ ዉሊዛሶፔ ዎይኮ ባዞፌ ዬና።

⁷ ጊዶ ኣቲን ሱሬ ፒርዲዛይ ጾሳ፤ ኢዚ ኢሳ ቦላ ፒርዴስ፤ ኢሳ ጺሊሴስ።

⁸ ጎዳ ኩሼን ዋንጫይ ዴስ፤ ኢዛን ሆሞቲዛ ሃንቆ ዎይኔ ኡሺ ኩሚ ኡቲዴስ፤ ሄ ኡሻዛ ጌዴ ካሬ ጉሲዴስ፤ ሳኣን ዲዛ ማካላንቻቲ ሄሳ ኡዪዳ፤ ኢስቲ ኦርጮካ ኣሾንታ ጮንጎርሲዳ።

⁹ ታኒ ጊዲኮ ሃይሳ ሜርናስ ኣዋጃና፤ ያቆቤ ጾሳካ ማዛሙሬን ሳባና።

¹⁰ ታኒ ኢታታ ካጬ ኡባ ሜንና፤ ጺሎታ ካጬ ጊዲኮ ቁ ቁ ሂስታና።