ዬ ማጻፋ 53 - ጋሞ ማጻፋ

ዳዊቲ ዛማሬታ ካቦስ ሃሳኣን ሺሺዳ ጊንጾ

¹ ኤያቲ ባንታ ዎዚናን፥ «ጾሲ ባዋ» ጌቴስ፤ ኢስቲ ሞሬቲዳይታ፤ ኢስታ ኦሶይካ ሃራሲዛዛ፤ ኢስታ ጋርሳፌ ሎኦ ኦዛይ ዴና።

² ጾሳ ኮይዛይቲኔ ኣኬኪዛይቲ ዴኢዛኮ ቤኣናዉ ጾሲ ሳሎፔ ዱጌ ኣሳ ናይታ ጼሌስ።

³ ኢስቲ ኡባይካ ጾሳፌ ሃኪዳ፤ ኡባይካ ኢሲፌ ቱኒዳ፤ ሎኦ ኦዛ ኣሲ ዴና፤ ሃራይ ኣቶ ኢሳዴይካ ባዋ።

⁴ ጾሲ፥ «ኣሲ ካ ሚዛ ማላ ታ ዴራ ቦንቂ ሚዛይቲ፥ ጾስ ዎሲ ኤሮንታይቲ፥ ሄይቲ ኢታ ኦዛይቲ ዩሺ ቆፔቴኔ?» ጌስ።

⁵ ጾሲ ባ ኣሳ ሞርኪዛይታ ሜቄ ላላና፤ ኢስቲ ካሴ ዳጋሚ ኤሮንታ ዳጋማ ዳጋማና። ጾሲ ኢስታ ካዳ ጊሻስ ኢስቲ ዬላታና፤

⁶ ኢስራኤሌስ ኣቶቴ ጺዮኔፔ ዪዳኮ! ጾሲ ባ ዴራፔ ዲኤቲዳይሳ ዛሪዛ ዎዴ ያቆቤ ዛሬቲ ኡፋዬታና፤ ኢስራኤሌ ኣሳይ ኡፋዬታና።