ዬ ማጻፋ 47 - ጋሞ ማጻፋቆሬ ናይቲ ዛማሬታ ካቦስ ዬጺዳ ማዛሙሬ 1 ካዎቴ ኡባይ ኢንቴ ኩሼ ባቂቴ፤ ኢንቴ ቃላ ቁ ኦዲ ጾሳስ ኢሊሊ ጊቴ። 2 ቢታ ኡባ ቦላ ባይራ ካዎይ ኡባፌ ቃ ጾሳይ ኢዚ ያሺሲዛ ጾሳ። 3 ዴራ ኑ ጋርስ ኣዴስ፤ ካዎቴታካ ኑ ቶሆ ጋርሳን ሃሪሲዴስ። 4 ኢዚ ኑስ ላታ ቢታ ዶሪዴስ፤ ሄ ቢታይን ኢዚ ዶሲዛ ያቆቤይ ጬቄቴስ። 5 ኢሊሊሺን ጾሳይ ኡፋይሳን ዛዬ ፑኒሺን ጎዳይ ፑዴ ባ ኣራታን ኬዚዴስ። 6 ዬጺቴ፥ ጾሳስ ዬጺቴ፤ ዬጺቴ ኑ ካዎዛስ ዬጺቴ። 7 ጾሲ ኣላሜ ኡባስ ካዎ፤ ሄሳ ጊሻስ ጋላታ ማዛሙሬ ኢዛስ ዬጺቴ። 8 ጾሲ ካዎቴታ ቦላ ካዎቲዴስ፤ ባ ጌሻ ኣራታ ቦላካ ኡቲዴስ። 9 ካዎቴታ ካሌዛ ዳናቲ ኣብራሃሜ ጾሳ ኣሳራ ኢሲፌ ሺቂዳ፤ ዴሬ ኡባ ካዎቲ ጾሳሳ፤ ኢዚ ኡባፌካ ቦላራ ቃ። |
The Word for the World International amp The Word for the World Ethiopia