ዬ ማጻፋ 36 - ጋሞ ማጻፋ

ጎዳ ኦሳንቻ ዳዊቲ ዛማሬታ ካቦስ ዬጺዳ ማዛሙሬ

¹ ኢታ ኣሲ ባ ዎዚናን ጌኔ ቆፔስ፤ ኢዛ ጊዶን ጾሳስ ያሻቴ ዴና።

² ኢዛ ናጋራይ ቆንጪን ኢጾንታ ማላ ኢዚ ባርካ ባና ባሌስ

³ ኢዛ ዶናፔ ኬኢዛ ሃሳያይ ጌኔኔ ዎርዶ፤ ኣ ኤራቴኔ ሎኦ ኦሶ ሙሌካ ኣጊዴስ።

⁴ ኢዚ ባ ሂጻን ዲሼ ጌኔ ቆፒሼ ኣቄስ፤ ባና ሎኦ ጊዶንታ ኦጌ ካሌስ፤ ኢታ ኢዚ ኢጼና።

⁵ ኣቤት ጎዳዉ! ኔ ሜርና ሲቆይ ሳሎ ጋኬስ፤ ኔ ቱማቴይካ ቦላ ሻራ ማላ ቄስ።

⁶ ኣቤት ጎዳዉ! ኔ ጺሎቴይ ኡባፌ ቃ ዙማታ ማላ፤ ኔ ፒርዳይካ ኡባፌ ዚቃ ጪማ ማላ፤ ኔኒ ኣሳካ ዶኣካ ኢታፔ ናጋሳ።

⁷ ኣቤት ጾሳዉ! ኔ ሜርና ሲቆይ ኣይ ኬና ኣልኦ! ኣሳይ ኔ ቄፌ ጊዶን ጌሚ ኣቴስ።

⁸ ኢስቲ ኔሶን ኩሚዳ ማዳፌ ሚዲ ካሌቴስ፤ ኔኒ ኔ ኣንጆ ሻፋፔ ኢስታ ኡሻሳ።

⁹ ኣይስ ጊኮ ዴኦ ፑልቶይ ኔ ኣቻን ዴስ፤ ኔ ፖኦን ኑኒ ፖኦ ቤኦስ።

¹⁰ ኔና ኤሪዛይታስ ኔ ሜርና ሲቆዛ ኣጎፋ፤ ሱሬታስ ኔ ኪያቴ ዲጎፋ።

¹¹ ኦቶራንቻታ ቶሆይ ታና ዬፎ፤ ናጋራንቻታ ኩሼይ ታና ዬዴፎ።

¹² ኢታ ኣሳቲ ኩንዲዳይሳ ቤኢቴ፤ ኢስቲ ኩንዲዳ፤ ዴንዳናዉካ ዳንዳዬቴና።