ዬ ማጻፋ 24 - ጋሞ ማጻፋዳዊቲ ዬጺዳ ማዛሙሬ 1 ሳኣይኔ ሳኣን ኩሚዳ ኡባይ ጎዳሳ፤ ሳሎ ጉፋንን ዲዛ ኡባይ ጾሳሳ። 2 ሳኣ ጊታ ኣባታ ቦላ ሚጪዴስ፤ ሃ ቦላካ ሚንዲ ኤሲዴስ። 3 ጎዳ ዙማ ቦላ ኬዛናይ ኦኔ? ኢዛ ጌሻሶሆን ኤቃናይ ኦኔ? 4 ኢዛ ኩሼይ ናጋራፔ ጌዪዳይ፥ ኢዛ ዎዚናይ ጌሻ ጊዲዳይ፥ ኤቃ ጾሳታስ ጎይኖንታይ፥ ዎርዶ ጫቆንታይ፥ 5 ኢዚ ጎዳፔ ኣንጆ ኤካና፤ ባና ኣሺዛ ጾሳፌ ጺሎ ፒርዳ ዴማና። 6 ጾሳኮ ጼሊዛ ኣሳይኔ ያቆቤ ጾሳ ሲን ኮይዛ ኣሳይ ሄይታንታ ማላ። 7 ካሬቲ ዶዬቴቶ፤ ቦንቾ ካዎይ ጌሎ፤ ቤኒ ፔንጌቲ ኢዛ ኡፋይሳን ሞኪቴ! 8 ሄ ቦንቾ ካዎይ ኦኔ? ሚኖኔ ዎልቃማ ጎዳ! ኦላስካ ኢዚ ዎልቃማ ጎዳ! 9 ካሬቲ ዶዬቴቶ፤ ቦንቾ ካዎይ ጌሎ፤ ቤኒ ፔንጌቲ ኢዛ ኡፋይሳን ሞኪቴ! 10 ሃ ቦንቾ ካዎይ ኦኔ? ሄ ቦንቾ ካዎይ ሳሎ ሜቴ ጎዳ! |
The Word for the World International amp The Word for the World Ethiopia