ዬ ማጻፋ 148 - ጋሞ ማጻፋ

¹ ጎዳይ ጋላቴቶ! ሳሎን ዴኢዛይቶ! ጎዳ ጋላቲቴ፤ ቦላ ቃን ዴኢዛይቶ! ኢዛ ሳቢቴ።

² ኢንቴኖ ኢዛ ኪታንቻቶ! ኡባይ ኢዛ ጋላቲቴ፤ ሳሎን ዴኢዛ ኢዛ ኦላንቻቶ! ኡባይ ኢዛ ጋላቲቴ።

³ ኣርሼይኔ ኣጊናይ ኢዛ ጋላቲቴ፤ ፖኢሲዛ ጾሊንቴቶ! ኡባይ ኢዛ ጋላቲቴ።

⁴ ኢንቴኖ ኡባፌ ቦላ ቃን ዲዛ ሳሎቶ! ኢዛ ጋላቲቴ፤ ሳሎ ጉፋንፌ ቦላራ ዲዛ ሃቶ! ኢዛ ሳቢቴ።

⁵ ኢዚ ኣዛዚን ኢስቲ ኡባይካ ሜቲዳ ጊሻስ ኡባቲ ጎዳ ሱን ጋላቴቶ!

⁶ ኢዚ ኢስታ ኢስቲ ዲዛሶን ሜሪ ሜርናስ ሚን ዎዴስ፤ ኢዚ ኢስታስ ላሜቶንታ ዎጋ ኢሚዴስ።

⁷ ሳኣን ዴኢዛይቶ! ጎዳ ጋላቲቴ! ኣባ ጊዶን ዲዛ ጊታ ሜቴቲኔ ዎጋ ጊታ ኣባ ጪማቲ ኡባይካ ኢዛ ሳቢቴ።

⁸ ዎልቃንኔ ሻቺ፥ ኬንቾይኔ ጉባናይ፥ ኢዛ ኣዛዞ ፖሊዛ ጎቴ ጫርኮቲ ኡባቲካ ኢዛ ጋላቲቴ።

⁹ ዙማቶ፥ ዙምቡላቶ፥ ኣይፌ ኣይፊዛ ሚቶ፥ ዚጋቶ ኡባቲካ ኢዛ ጋላቲቴ።

¹⁰ ሜሄቶ፥ ዶኣቶ፥ ሳኣራ ጎሼቲዛ ሜታቶ! ፓሊዛ ካፎቶ ኡባቲካ ኢዛ ጋላቲቴ።

¹¹ ሳኣ ካዎቶ፥ ካዎቴቶ! ዳናቶ፥ ዴሬ ሃሪዛይቶ! ኡባቲካ ኢዛ ጋላቲቴ።

¹² ፓንቶ፥ ጌላኦቶ፥ ጪማቶ፥ ናይቶ! ኡባቲካ ኢዛ ጋላቲቴ።

¹³ ኢዛ ሱን ኡባ ቦላ ቃ፤ ኢዛ ቦንቾይ ሳኣፔኔ ሳሎፔ ቦላ፤ ሄሳ ጊሻስ ሃይቲ ኡባይ ኢዛ ሱን ጋላቴቶ።

¹⁴ ኢዛ ባጋ ጊዲዳ ኢስራኤሌ ኣሳቲ ኢዛ ጋላታና ማላ ኢዚ ኢስታ ካጬ ኬሲዴስ። ጎዳይ ጋላቴቶ!