ዬ ማጻፋ 14 - ጋሞ ማጻፋ

ዳዊቲ ዛማሬታ ካቦስ ዬጺዳ ማዛሙሬ

¹ ኤያቲ ባንታ ዎዚናን፥ «ጾሲ ባዋ» ጌቴስ፤ ኢስታ ዴኦይ ሞሬቲዴስ፤ ኢስቲ ሃራሲዛ ሚሽ ኦቴስ፤ ኢስታ ጊዶን ሎኦ ኦዛ ኢሲ ኣሲካ ዴና።

² ጾሳ ኮይዛይኔ ኣኬኪዛይ ዴኢዛኮ ቤኣናስ፥ ጎዳይ ሳሎፔ ዱጌ ኣሳ ጼሌስ።

³ ጊዶ ኣቲን ኡባይካ ኦጌፔ ካሬ ኬኢዳ፤ ኡባይካ ሙሌራ ጎኦንታዝ ጊዲዳ፤ ሎኦ ኦዛይ ኦኒኔ ዴና፤ ሃራይ ኣቶ ኢሳዴይካ ዴና።

⁴ ጎዳይ፥ «ታ ኣሳ ቦንቂ ሚዛ ኢታ ኣሳቲ ኣይኮካ ኤሬቴኔ?» ጌስ።

⁵ ጊዶ ኣቲን ጾሲ ጺሎ ኣሳታራ ዴኢዛ ጊሻስ ኢታ ኣሳቲ ሄሳን ዳጋማና።

⁶ ኢንቴ ሂዬሳታ ሃልቾ ላሌታ፤ ጊዶ ኣቲን ጎዳይ ሂዬሳቲ ባቃቲ ኣቲዛሶ ጊዴስ።

⁷ ኢስራኤሌስ ኣቶቴ ጺዮኔፔ ዪዳኮ! ጎዳይ ኢስታ ዱሳ ዛሪዛ ዎዴ ያቆቤ ዜሬቲ ኡፋዬታና፤ ኢስራኤሌ ኣሳይ ኡፋይሳን ጋላታና።